بەرپرسێکی دەستەی وەبەرهێنانی هەرێم ئاشکرای دەکات، زیاتر لە 10 وەبەرهێنەری بیانی و ناوخۆیی لەسەر تەواونەکردنی پڕۆژەکانیان ناویان خراوەتەوە لیستی ڕەش و زیاتر لە 10 وەبەرهێنەریش پڕۆژەکانیان لێ وەرگیراوەتەوە.
موخلیس سەلیم، بەڕێوەبەری گشتی کارگێڕی و دارایی و یاسایی لە دەستەی وەبەرهێنانی هەرێم بە دواڕۆژی ڕاگەیاند جگە لە دەستگیرکردن و دادگایی کردنیان، دەستەی وەبەرهێنانی هەرێم ناوی 10 وەبەرهێنەری خستۆتە لیستی ڕەشەوه و چیتر پڕۆژە به و وەبەرهێنەرانە نادرێت، ئەمە بەهۆی ئەوەی پڕۆژەکانیان تەواونەکردووە.
لەبارەی وەرگرتنەوەی پڕۆژە لە وەرهێنەران، ئه و بەرپرسەی دەستەی وەبەرهێنان، وتی زیاتر لە 100 پڕۆژە کە لەسەرجەم سێکتەرەکاندابوون، بەهۆی ئەوەی لەلایەن وەرهێنەران بەتەواونەکراوی یاخود دەستنەکردن بە کارکردن لە پرۆژەکان، لە وەبەرهێنەرانی بیانی و ناوخۆیی هەرێم وەرگیراوەتەوە.
لەبارەی دەستپێکردنەوەی پڕۆژەکان، موخلیس سەلیم دەڵێت ئه و پڕۆژانەی وەرگیراوەتەوە، لەڕێگەی پارێزگاکانی هەرێم دەدرێتە وەبەرهێنەری تر به و مەرجەی پڕۆژەکان بەبێ هیچ کەموکوڕییەک تەواویان بکات.
بەپێی ڕاپۆرتی دەستەی وەبەرهێنان، لەماوەی دە ساڵی ڕابردوودا مۆڵەتی وەربەهێنان بە 751 پڕۆژە دراوه و بە سەرمایەی 47 ملیارو 220 ملیۆن دۆلار، 32 پڕۆژەش هاوبەشین لەنێوان وەبەرهێنەری خۆماڵی و بیانی بە سەرمایەی زیاتر لە 10 ملیار دۆلار ئەنجامدراوە.
17-06-2017
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 7,951 ganger
Skriv din kommentar om dette elementet!