لە دایکبووی ساڵی 1969 لە گوندی دەگاگای ناوچەی #شامیان# سەر بە شارستانی #سەوڵاوا#یە.
ساڵی 1991 پەیوەندی تەشکیلاتی بە حیزبەوە گرتووە و لە ڕیزی تەشکیلاتی نهێنیی حیزبدا وەکوو ئەندام کاری کردووە و یەکێک لە ئەندامە چالاک و فیداکارکانی حیزب بوو. شەهید ڕوحوڵڵا بەپێی ئەو شارەزاییەی هەیبوو، لە ناوچەی #مەریوان# چەندین جار وەکوو شارەزا و چاوساغی هێزی پێشمەرگە هاوکاریی کردووە و ڕۆڵێکی بەرچاوی هەبووە لە ئامادەکاری و جێبەجێ کردنی خوراک و تەقەمەنی بۆ هێزی #زاگرۆس#.
جگە لەو هاوکارییانەش، زۆر جار هەوڵی داوە یارمەتیی ماڵی بۆ حیزب کۆ بکاتەوە. ڕوحوڵڵا لە ماوەی تێکوشانی تەشکیلاتیدا لە لایەن ئیتلاعاتی ڕێژیمەوە 2 جار گیراوە و زیندانی کراوە، جاری دووهەم لە بەهاری ساڵی2014دا گیرا، و سزای زیندانی درێژخایەنی بەسەردا سەپا. ناوبراو بە بارمتەی ماڵیی قورس لە زیندان ئازاد کرا، پاش هاتنەدەری لە زیندان، ڕایکرد و خۆی گەیاندە هەرێمی کوردستان و لە شاری سلێمانی نیشتەجێ بوو. ساڵی 2015 وەکوو ئەندام لە گەڵ تیمێکی پێشمەرگە گەڕایەوە نێوخۆی وڵات. ناوبراو لە بەهاری ساڵی 2016، دا وەکوو پێشمەرگە وەرگیرایەوە و لەگەڵ تیمێکی پێشمەرگە بە مەئمورییەت گەڕایەوە نێوخۆی وڵات لە ناوچەی #سنە# و مەریوان. دوژمنی داگیرکەر ڕۆژی 5ی پووشپەر لە شاخی #کۆساڵان# پەلاماری پێشمەرگەکانی دا. هاوکات لەگەڵ شەهید بوونی سێ هاوڕێی قارەمانی، ڕوحوڵڵا وێڕای 5 هاورێی دیکەی لەو شەڕەدا بێ سەر وشوێن بوو. مەخابن پاش ساڵێک دەرکەوت هاوڕێی پێشمەرگە ڕوحوڵڵا حەیدەری گیانی پاکی لە ڕێگای ڕزگاریی گەل و نەتەوەکەیدا بەخت کردووە و چووەتە ڕیزی کاروانی نەمرانەوە.
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 5,563 ganger