کەمپەینەکان بۆ کۆکردنەوەی کۆمەک و هاوکاری بۆ لێقەوماوانی بوومەلەرزەکەی باشوور و ڕۆژهەڵاتی کوردستان بەردەوامن، لەو چوارچێوەیەشدا ئەمڕۆ (سێشەممە، 21-11-2017) ئەو هاوکارییانەی لە پارێزگای #هەڵەبجە# کۆکراوبوونەوە بۆ #کرماشان# گوێزرانەوە.
پەیامنێری ڕووداو لە هەڵەبجەوە ڕایگەیاند دەیان تۆن کەلوپەل، شتوومەک و کەرەستەی ناوماڵ و نزیکەی 70 ملیۆن دینار لە چەند ڕۆژی ڕابردوودا لە پارێزگای هەڵەبجە بۆ لێقەوماوانی بوومەلەرزکەی کرماشان کۆکراونەتەوە و ئەمڕۆ بۆ ئەو شارە نێردران.
پێش ڕاگەیاندنی کەمپەینەکە لە هەڵەبجە، ڕێکخەرانی ئەو کەمپەینە لەگەڵ بەپرسانی ئێران لەدیوی ڕۆژهەڵاتی کوردستانەوە قسەیان کردووە و، ڕەزامەندییان وەرگرتووە، بۆ ئەوەی ئەو کۆمەک و هاوکاریانە لەڕێگەی دەروازەی سنووریی باشماخەوە ببەنە کرماشان و بیگەیەننە لێقەوماوانی ئەو ناوچانەی بەهۆی بوومەلەرزەوە زیانیان بەرکەوتووە.
شەوی 12-11-2017 بوومەلەرزەیەکی بەهێز هەرچوار پارچەی کوردستان و چەند وڵاتێکی دیکەی هەژاند. بەوهۆیە لە باشووری کوردستان هەشت کەس گیانیان لەدەستدا و 321 کەسی دیکەش بریندار بوون. لە شارەکانی ڕۆژهەڵاتی کودستانیش، بەپێی دوایین ئاماری فەرمی کە 17-11-2017 لە ئێران بڵاوکراوەتەوە، لە بوومەلەرزەکەی پارێزگای کرماشاندا 474 کەس گیانیان لەدەستداوە، بەڵام ئامارە نافەرمییەکان باسی ژمارەیەکی زیاتر لەو ئامارە دەکەن و دەڵێن زیاتر لە هەزار کەس بەهۆی ئەو بوومەلەرزەیە گیانیان لەدەستداوە. [1]
21-11-2017
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3,313 ganger
Skriv din kommentar om dette elementet!