دواڕۆژ، #بەختیار شەریف#
بەڕێوەبەرایەتی پۆلیسی دارستان و ژینگەی #سلێمانی# ڕایدەگەیەنێت، لەساڵی 2017دا بنکەکانیان لەسنوری قەزای #چەمچەماڵ# 627 ڕاوچییان دەستگیرکردووە و کەلوپەلەکانیشیان دەستیان بەسەردا گیراوە.
عەقید هێمن کەمەرخان ئەفەندی، بەڕێوەبەری ڕاگەیاندنی پۆلیسی دارستان و ژینگەی پارێزگای سلێمانی ئەمڕۆ پێنجشەممە 18ی کانوونی دووەم بەدواڕۆژی ڕاگەیاند لەماوەی 15 ڕۆژی سەرەتای ئەمساڵدا لە سنوری قەزای چەمچەماڵ 27 هاووڵاتی دەستگیرکراون کە ڕاو و سەرپێچی جۆراوجۆری وەکو (راوکردنی ئاسک و باڵندە و ئاژەڵی کێوی و بڕینی دار)یان ئەنجامداوە.
راشیگەیاند لەگەڵ دەستگیرکردنی ئه و ڕاوچی و هاووڵاتیانەدا دەستیشگیراوە بەسەر 3 ئاسکی سەربڕاو و ڕێوی و کەروێشکی ڕاوکراودا، لەگەڵ لایتی دەستی و تۆڕی ڕاوکردن و داری سروشتی بڕدراو.
سەبارەت بە ئاماری ساڵی 2017ی بنکەکانیان لەسنوری چەمچەماڵ، وتیشی لەساڵی ڕابردوودا 627 هاووڵاتی لەسەر ڕاوکردن و سەرپێچی جۆراوجۆر لەسنوری قەزای چەمچەماڵ دەستگیرکراون، له و ژمارەیەش 141 کەس لەسەر ڕاوی باڵندە، 9 کەس لەسەر ئاژەڵی کێوی، 181 کەس لەسەر ڕاوە ماسی لەوەرزی قەدەغەی ڕاودا، 44 کەس لەسەر دروستکردنی خەڵوز، 79 کەس لەسەر داربڕین لەگەڵ 27 کەسی تریش لەسەر کردنەوەی ئاگر لەکەژ و کێوەکانی سنورەکەدا دەستگیرکراون.
وتیشی له و ساڵەدا (75) چەکی جۆراوجۆری وەکو (کڵاشینکۆف، دەمانچە، شێرسە، تاپر و N4)، لەگەڵ (700) فیشەکی ئه و چەکانە دەستیان بەسەردا گیراوە، لەگەڵ 81 باڵندەی کێوی ڕاوکراودا.[1]
#18-01-2018#
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3,617 ganger
Skriv din kommentar om dette elementet!