دواڕۆژ، #عیسا عەبدولقەهار#
بەرپرسێکی وەزارەتی بارزگانی و پیشەسازی ئاشکرایدەکات، حکومەتی ناوەندی بڕی 40 ملیار دینار پارەی گەنمی دوو ساڵی جوتیارانی پارێزگای #دهۆک#ی ناردووە بۆ هەولێر و هەفتەی داهاتوو دابەشدەکرێت.
نەوزاد ئەدهەم، بەڕێوەبەری گشتی دیوانی وەزارەتی بازرگانی و پیشەسازی هەرێم ئەمڕۆ پێنجشەممە 8ی شوباتی 2018 بە دواڕۆژی ڕاگەیاند ئەمڕۆ بڕی 40 ملیار دینار پارەی گەنمی جوتیارانی پارێزگا دهۆک لە بەغداوە گەیشتە هەولێر.
وتیشی 18 ملیار دیناری پارەی ساڵی 2017 یە و 22 ملیار دینارەکەی تریش شایستەی ساڵی 2016 یە و هەفتەی داهاتوو پارەکە بەسەر جوتیاراندا دابەشدەکرێت.
لەبارەی پارەی گەنمی جویتارانی هەولێر و سلێمانیشەوە ئه و بەرپرسەی وەزارەتی بارزگانی وتی بڕیارە لە ماوەیەکی زۆر نزیکدا پارەی جوتیارانی هەولێریش بنێردرێت، کە بڕەکەی بۆ هەردوو ساڵەکە 41 ملیار دینارە، بەڵام هەفتەی ڕابردوو پارەی گەنمی جوتیارانی سلێمانی گەیشتووە و ئێستا پارەی جوتیارانی بۆ ساڵی 2016 لە سلێمانی دابەشدەکرێت کە بڕەکەی 18 ملیار دینارە، دواتریش پارەی گەنمی جویتارانی سلێمانی بۆ ساڵی 2017 دابەشدەکرێت کە بڕەکەی 8 ملیارو 500 ملیۆن دینارە.
حکومەتی عێراق، پارەی گەنمی جوتیارانی هەرێمی کوردستان بۆ ساڵانی 2014و 2015و 2016و 2017 قەرزدارە و کۆی گشتی قەرزەکە بریتییە لە 666 ملیار دینار.[1]
#08-02-2018#
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3,687 ganger
Skriv din kommentar om dette elementet!