مەکتەبی سیاسی حزبی شیوعی کوردستان، پاڵپشتی خۆی دووپات دەکاتەوە بۆ پشتگیری داوای ڕەوای موچەخۆرانی هەرێمی کوردستان بە گشتی و کەرتی پەروەردەو تەندروستی بەتایبەتی، کە دوو بواری خزمەتگوزاری گرنگن، مافی موچە خۆران لەنێوان بەڵێنەکانی حکومەتی هەرێمی کوردستان و حکومەتی بەغدادا پێشێل دەکرێت و وەڵامی کرداری داوا ڕەواکانیان نادرێتەوە، بۆیە حزبمان جارێکی تر جەخت لەسەر هەموو شێوازێکی تێکۆشانی دیموکراتی و مەدەنی و ئاشتیانە دەکاتەوەو ئەم خاڵانە دەخاتەڕوو:
1- گردبوونەوەو خۆپیشاندان مافێکی ڕەوایە و ناکرێت ڕێگری لێ بکرێت. پەرلەمان و حکومەتی هەرێمی کوردستان و دەسەڵاتدارانی بەغدا بە بەرپرسیار دەزانین لە تێکچونی ئاسایش و ئارامی هاوڵاتیان و کۆی دەرئەنجامە خراپەکانی ئەم بارودۆخە ئارامی و ئاسایشی هەرێم بەندە بە جێبەجێکردنی داواکاریییەکانی جەماوەرەوە، نەک پەنابردن بۆ توندوتیژی بەرامبەر مانگرتووان، پێویستە چارەسەری کرداری و پەلە بۆ داوای مانگرتوان ببینرێتەوە.
2- ئیدانەی هەموو سوکایەتی و توندوتیژیەک لەبەرامبەر مانگرتوان و خۆپیشانداندەران دەکەین و ڕەتی دەکەینەوەو پێویستە ڕێز لە ئیرادەیان بگیرێتوپێویستە لایەنە پەیوەندیدارەکان بەرپرسیارێتی خۆیان بەشێوازی یاسایی و مەدەنی و دیموکراسیانە پەیڕەو بکەن و سزای ئەو کەسانەش بدەن کە پێشێلی مافی مرۆڤ دەکەن.
3- وەکو لەبەیاننامەو ڕاگەیاندنەکانی پێشوماندا ڕامانگەیاندووە، جەخت دەکەینەوە، کە حکومەتی هەرێمی کوردستان پەلە بکات لە کۆتاییهێنان بە پاشەکەوتی ئیجباری موچە.
4- داواکارین کارمەندانی تەندروستی و مامۆستایانی کوردستان بژاردەی بایکۆت پەیڕەو نەکەن، چونکە دوو بواری ژیارین و پەیوەندی بە پاشەڕۆژ و ژیانی هاوڵاتیانەوە هەیە و خەڵکانی هەژارو نەداری گەلەکەمان تیایدا زەرەرمەند دەبێت.بەڵام مافی هەمووانە هەموو شێوازێکی مەدەنی و دیموکراسی بگرنە بەر بۆ پیشاندانی هێزو ئیرادەی خۆیان بۆ بەدەستهێنانەوەی مافەکانیان.
سەرکەوتوبێت ئیرادەی گەلەکەمان
مەکتەبی سیاسی
حزبی شیوعی کوردستان
#26-03-2018#
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3,830 ganger
Skriv din kommentar om dette elementet!