دواڕۆژ، #زریان محەمەد#
بەمەبەستی ڕاگرتنی هاوسەنگی و بەرزبوونەوەی نرخ، هاوردەی بەروبوومی پەلەوەری سنورداردەکرێت و جێگری بەڕێوەبەری کشتوکاڵی سلێمانیش ڕایدەگەیەنێت بەمەرجەکانی ڤێتێرنەری و تەندروستی بەرهەمەکان هاوردە دەکرێت.
رزگار حەمەد خدر، جێگری بەڕێوەبەری کشتوکاڵی سلێمانی ئەمڕۆ سێشەممە 27ی ئازار بە دواڕۆژی ڕاگەیاند، لیژنەی دیاریکردنی بەروبومی ئاژەڵی و پەلەوەری پارێزگای سلێمانی کۆبوەوە، پاش هەڵسەنگاندن بۆ ئاستی بەرهەمهێنانی بەروبومی ناوخۆیی، بڕیاردرا پێداچونەوە بەبڕی ئەو بەروبووم و پێداویستییانەدا بکرێت کە هاوردەی پارێزگای سلێمانی دەکرێت.
وتيشیبە لەبەرچاوگرتنی هاوسەنگی لە نێوان بەرهەمی ناوخۆ و هاوردەکراودا بڕیاردراوە کە ڕێگە بە هاوردەکردنی مریشکی بەستوو نەدرێت لەبەرئەوەی بەرهەمی ناوخۆ توانای دابینکردنی بازاڕەکانی هەیە و پێویستی بە بەرهەمی بەستوو و هاوردەکراو نیە.
بەرپرسەکەی کشتوکاڵ ڕونیشیکردەوە بەهۆی هاتنی وەرزی زاوزێ و قەدەغەکردنی ڕاووکردنی ماسی و هاتنی وەرزی گەشتوگوزار، بڕیاردراوە 600 تەن ماسی هاوردەبکرێت تا پێداویستی و خواستی بەکارهێنەرەکان پڕبکاتەوە.
ئاماژەی بەوەشکرد، بڕی ئەو بەروبومانەی لەم مانگەدا هاوردە دەکرێن بریتی یە لە 510 تەن هێلکەی خواردن و 500 تەن گۆشتی سور لەگەڵ هاوردەکردنی 15 هەزار سەر گوێرەکە بۆ هەرسێ مانگی داهاتوو.[1]
#27-03-2018#
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3,126 ganger
Skriv din kommentar om dette elementet!