دواڕۆژ، #ڕێژنە عەلی#
رێکخراوێکی تایبەت بە هەڵبژاردن ئاشکرای دەکات، لە هەفتەی یەکەمی بانگەشە بۆ هەڵبژاردنی پەرلەمانی عێراق، لە پارێزگاکانی هەولێر و سلێمانی 124 پێشێلکاری تۆمارکراون.
ئارام جەمال، بەڕێوەبەری پەیمانگەی کوردی بۆ هەڵبژاردن بە دواڕۆژی ڕاگەیاند، لەماوەی هەفتەی یەکەمی بانگەشەی هەڵبژاردن بۆ پەرلەمانی عێراق، لە سنووری پارێزگاکانی هەولێر و سلێمانی 124 پێشێلکاری لەلایەن تیمەکانیان تۆمارکراون کە بەشی زۆری سەرپێچییەکان بریتی بوون لە هەڵواسینی فلێکس بەماددەی لکێنەر و لە شوێنی ڕێگەپێنەدراو وەکو پرد و دەزگا حکومی و ڕەسمییەکان، لەگەڵ هەندێک سەرپێچی کە ترساندن و ڕێگەگرتن بوون.
ناوبراو ئاماژەی به و لایەنانەش کرد کە له و ماوەیەدا سەرپێچییەکانیان لە هەولێر و سلێمانی ئەنجامداوە، ئەوانیش (یەکێتی 52، هاوپەیمانی 21، پارتی 15، شیوعی 14، گۆڕان 12، نەوەی نوێ 5، ڕەوتی حیکمە 3، سۆسیالیست 1 و تحالف القرار العراقی 1).
رۆژی 14ی نیسان بانگەشەی هەڵبژاردن بۆ پەرلەمانی عێراق لە پارێزگاکانی عێراق و 15ی نیسانیش لە کوردستانی دەستیپێکردووە و ڕۆژی 10ی ئایار کۆتایی دێت، ڕۆژی 12ی ئایاریش هەڵبژاردنی پەرلەمانی عێراقە.[1]
#25-04-2018#
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,668 ganger
Skriv din kommentar om dette elementet!