$باکووری کوردستان$
- دادگای سزای قورسی ئەدیرنە، بڕیاری زیندانیکردنی بۆ ژنە هونەرمەندی کورد، جانێ دەرکرد.[3]
$باشووری کوردستان$
- سوپای تورکیا ڕایگەیاند، هێرشی ئاسمانییان کردووەتە سەر پێگەکانی #پەکەکە# لە باشووری کوردستان و بەهۆیەوە شەش پێگەی پەکەکە خاپوور کراون و ''هەشت گەریلا گیانیانلەدەستداوە''. پەکەکە هیچ دژەلێدوانێکی نەداوە.[2]
- لە نزیک گوندی بەشیری سەربە #خورماتوو#، پێدادان لەنیوان #داعش# و #حەشدی شەعبی# دروستبوو.[4]
- سەرلەبەیانیی ئەمڕۆ، لە شوێنی مردوو شۆر لەناو مزگەوتی ئەبوبەکری سدیق لە شارۆچکەی #پێنجوێن#-ی سەر بە پارێزگای سلێمانی، تەرمی گەنجێکی تەمەن 17 ساڵ بەناوی (محەمەد کەمال) بە هەڵواسراویی دۆزرایەوە.[3]
- سوپای تورکیای داگیرکەر لە باشووری کوردستان گوندەکانی #زاخۆ# لە ناوچەی حەفتانین بۆردومان دەکات.[4]
- بەهۆی زیادکردنی دەوامی فەرمانگەکەیان، بەیانی ئەمڕۆ بەشێک لە فەرمانبەرانی بەڕێوەبەرایەتی گشتی وەبەرهێنانی #سلێمانی# مانیان لە کارەکانیان گرتووە و داوای کەمکردنەوەی دەوام دەکەن.[1]
$رۆژئاوای کوردستان$
- ژووری چالاکییەکانی تووڕەیی زەیتوون، چالاکییەکی دژی چەتەکانی سوپای تورک لە #عەفرین# ئەنجامدا، لە ئەنجامدا چەتەیەک کوژرا و سەرچەتەیەکیش برینداربوو.[3]
$دەرەوەی کوردستان$
- ڕۆژنامەی واشنتن پۆستی ئەمریکا لەزاری بەرپرسێکی باڵای ویلایەتە یەکگرتووەکانی ئەمریکا هۆشداری داوەتە وڵاتانی جیهان کە تاوەکو 4ی تشرینی یەکەم سەرجەم هەناردەکانی نەوتی ئێران ڕابگرن و جەخت لەوەشدەکاتەوە ئەوەی ئه و بریارە جێبەجێ نەکات دووچاری ئابڵوقەی ئابوری دەبێتەوە.[1]