دواڕۆژ، سیروان حەسەن
پۆلیسی دارستانی #گەرمیان# ئاشکرایدەکات، بە بەراورد بە ساڵی ڕابردوو ئەمساڵ ڕاوکردن لە سنورەکە زیادیکردووە و، بڕی ئه و غەرامەیەش ئاشکرادەکات کە لە سەرپێچیکاران وەرگیراون.
سەرکەوت ڕەحیم، وتەبێژی پۆلیسی دارستانی گەرمیان بە دواڕۆژی ڕاگەیاند، لە ماوەی شەش مانگی یەکەمی ئەمساڵدا لە سنوری گەرمیان بەهۆی ڕاوکردنەوە 163 سەرپێچیکار دەستگیرکراون کە ڕاوی باڵندە و پەلەوەر و ئاژەڵی کێوی و ماسی-یان کردووە.
وتیشی، هەر له و ماوەیەدا 60 چەکی ڕاوکردن و چوار ئۆتۆمبێل و ماتۆڕسکیل و دەیان فیشەک و کەرەستەی ڕاوکردن دەستیان بەسەرداگیراوە و، هەروەها 18 باڵندەشیان ئازادکردووە. ئەوەشی وت، ڕاوچییەکانیش بە بڕی پێنج ملیۆن و 900 هەزار دینار غەرامە کراون.
سەرکەوت ڕەحیم باسیشی لەوەکرد، بە بەراورد بە شەش مانگی یەکەمی ساڵی ڕابردوو، لەمساڵدا دیاردەی ڕاوکردن زیادیکردووە و هۆکارەکەشی دەگەڕێتەوە بۆ ئەوەی ڕاوچییەکان پێیانوایە لەبەر قەیرانی دارایی و کێشە و گرفتەکان پۆلیسی دارستان هەڵمەتی گەڕان و پشکنین و چاودێری ئەنجام نادات لەکاتێکدا بە پێچەوانەوە بە بەردەوام تیمەکانیان لە گەڕان و پشکنیندان و سەرپێچیکاران دەستگیردەکەن.[1]
#03-07-2018#
Dette produktet har blitt skrevet på et språk (کوردیی ناوەڕاست - Central Kurdish), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,715 ganger
Skriv din kommentar om dette elementet!