#بەهمەن عومەر#
یەکێک لەو هەرزەکارانەی چونە سەر پارێزگای #هەولێر# خزمی ئێمەیە، باوکی ئەو منداڵە شازدە ساڵییە، ئەفسەرێکی دیاری زێرەڤانییە بەدرێژایی شەڕی #داعش# لە ڕیزی پێشەوەی شەڕدا بوو، لە هەموو شەڕە سەختەکاندا بەشدار بوو، جارێکش بەسەختی بریندار بوو کە سێ پەنجەی لەدەست دا و ناوسکیشی هەڵدڕا و لە لێواری شەهید بوون گەڕایەوە.
ئەو کە لە سنورەکان بەگیانی خۆی شەڕی دەکرد بۆ ئەوەی تیرۆرستان نەگەنە کوردستان، بێ ئاگا بوو لەوەی کە داعش گەشتوەتە سەر سفرەی ماڵەکەیان و لەگەڵیان نان دەخوات.
شەڕی داعش و هێزە تیرۆرستیەکانی تر تەنیا شەڕی چەک و شەڕی ئەمنی نییە پێش هەمووشت شەڕێکی فکریە ئەبێت دژی عەقڵی داعشیانە شەڕ بکرێت.
هەروەها شەرێکی پەروەردەییە، دەبێت لە ماڵ و قوتابخانەکانمان شەڕی ئەم عەقڵیەتە بکەین.
ئەوە ڕویدا تەنیا شکستێکی ئەمنی نییە، هاوکات شکستی ئەو پەروەردەیەیە کە ئەو منداڵانە لە قۆناغی ئامادەییدان لەبری ئەوەی بچن بۆ خولێکی مۆسیقا ئەچن بۆ مزگەوتێک و لەوسەرە سەریان لەتاوانێکەوە دەرئەچێت کە هەم ئارامی شارێک تێکدەدەن و هەمیش ماڵی باوکیشیان کاول دەکەن.
هاوکات شکستی دایک و باوکیشیانە لە پەروەردە کردنی منداڵەکانیان.
بەداخەوەم بۆ شەهید بونی ئەو کارگوزارەی پارێزگا و هیوای چاک بوونەوەش بۆ بریندارەکان دەخوازم.
#24-07-2018#
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,520 ganger
Skriv din kommentar om dette elementet!