دواڕۆژ، بورهان یەحیا
رێڤەبەرێ چاندنێ ل دەڤەردارییا #زاخۆ# دیارکر، هەتا ڕێژەیا 20% چاندن ل سنۆرێ زاخۆ زێدە بوویە و گەنم و شتی ل ڕێزێن ئێکێ و دووێ دهێن.
ئەحمەد سامی، ڕێڤەبەرێ چاندنێ ل دەڤەردارییا زاخۆ بۆ دواڕۆژ ڕۆهنکر ژبەر هاتنا قەیرانێ و کێم بوونا دەلیڤەیێن کاری ڕێژەیەکا مەزن ژ خەلکێ زاخۆ قەستا چاندنێ کرییە و ب گۆرەی پێزانینان هەتا 20% ڕێزێدە بوویە و 90 هزار دۆنەمێن ئەردی ب گەنمی هاتینە چاندن و سالانە 1300 تەنێن شتی دهێتە بەرهەمئینان.
دیارکر سالانە بۆ دەمێ 4 مەهان هاتنا باجان و خیار و پتات و هندەک جۆرێن دی یێن بەرهەمان هاتنا وان ژ دەرڤە دهێنە قەدەغەکرن لەوا جۆتیار نەچاردبیت و بۆ خۆ ب دەلیڤە دبینیت کو بچینیت، هەر چەندە بهایێ وان دهێتە خوارێ و جاران جۆتیار زیان ڤێدکەڤیت لێ پشتی دەمەکێ دووبارە ئه و بەرهەم ڕێژەیا وان ل بازاڕی کێم دبیت و ب ڤێ چەندێ بهایێ وان گرانتر لێدهێت.
خویاکر پترییا وان ئەردێن چاندنێ نێزیکی سەنتەرێ باژێڕێ زاخۆنە چونکو بۆ هاتنوچۆنا جۆتیاران ئاسانترە و وەختێ بەرهەمی ژی کرێ و زەحمەتا ڤەگوهاستنێ لسەر جۆتیی کێمترە و پترییا وان ژی ب ڕێکا ماتۆرێن ئاڤێ ژ خابیری ئاڤێ بۆ ناڤ بیستان و ڕەزێن خۆ دکێشن.[1]
#26-07-2018#
Dette produktet har blitt skrevet på et språk (کوردیی ناوەڕاست - Central Kurdish), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,651 ganger
Skriv din kommentar om dette elementet!