رێژەی گەشتیاریی لەنێوان باشوور و باکووری کوردستان زیادیکردووە و هەندێک ڕۆژ نزیکەی 75 هەزار کەس لە دەروازەی سنووریی نێودەوڵەتی ئیبراهیم خەلیلەوە دەچنە باکووری کوردستان و پێشبینی دەکرێت لە ماوەی 10 ڕۆژی ڕابردوودا تاوەکو ڕۆژانی جەژن بگاتە 500 هەزار گەشتیار.
یوسف مووسا، پەیامنێری ڕووداو لە #زاخۆ# ڕایگەیاند، ڕۆژانە گەشتیارێکی زۆر لە باشووری کوردستانەوە لەڕێگەی دەروازەی سنووریی نێودەوڵەتی ئیبراهیم خەلیلەوە دەچنە باکووری کوردستان و تورکیا، تەنانەت بەگوێرەی ئاماری دەروازەی گومرگی ئیبراهیم خەلیل هەندێک ڕۆژ نزیکەی 75 هەزار کەس لەڕێگەی ئەو دەروازەیەوە سەردانی باکووری کوردستان و وڵاتی تورکیا دەکەن.
پەیامنێری ڕووداو دەڵێت، بەپێی پێشبینییەکانی بەڕێوەبەرایەتی گەشتوگوزاری پێشبینیدەکرێت لە ماوەی 10 ڕۆژی ڕابردوو تاوەکو جەژن، نزیکەی 500 هەزار گەشتیار لەڕێگەی دەروازەی ئیبراهیم خەلیلەوە سەردانی باکووری کوردستان و وڵاتی تورکیا بەکەن.
لە بەرامبەریشدا دامەزراوە گەشتیارییەکان لە هەرێمی کوردستانیش ئامادەکاری بۆ ئەوە دەکەن گەشتیاری تورکیا لە ڕێگەی باکووری کوردستانەوە بهێننە باشووری کوردستان، بۆ ئەو مەبەستەش ئاسانکاری بۆ ئەو گرووپە گەشتیاریانە کراوە کە گەشتیار دەهێننە باشووری کوردستان.
پێشبینیدەکرێت لە ڕۆژانی جەژندا پێنج بۆ هەشت هەشت هەزار گەشتیار لە تورکیاوە بێنە باشووری کوردستان.[1]
#20-08-2018#
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,613 ganger
Skriv din kommentar om dette elementet!