دواڕۆژ، عەلی حەمە سەعید
بەرپرسی شوێنە گەشتیارییەکانی بەڕێوەبەرایەتی گەشتوگوزاری #هەڵەبجە# ئاماژە بەوەدەکات، بە هەماهەنگی لەگەڵ لایەنە پەیوەندیدارەکانی دیکە سەرجەم ئامادەکارییەکانمان بە کۆتا گەیاندووە بۆ پێشوازیکردن لە گەشتیارانی ناوخۆ و دەرەوەی هەرێمی کوردستان و پێشبینی هاتنی نزیکەی 60 هەزار گەشتیاریش دەکەین.
سەردار عەلی، بەرپرسی شوێنە گەشتیارییەکان لە بەڕێوەبەرایەتی گەشتوگوزاری هەڵەبجە بە دواڕۆژی ڕاگەیاند، هاوشێوەی بۆنە و جەژنەکانی دیکە ئەمساڵیش بە بۆنەی پشووی جەژنی قوربانەوە ئامادەکاریی تەواومان کردووە بۆ پێشوازیکردن لەگەشتیاران، له و چوارچێوەیەشدا سەرجەم چێشتخانە و هۆتێل و شوێنە گشتییەکانی تایبەت بە دابینکردنی پێداویستی بۆ گەشتیاران بە کراوەیی دەمێننەوە لە ڕۆژانی جەژندا.
ئاماژەی بەوەشکرد، بە هەماهەنگی لەگەڵ تیمەکانی پۆلیسی ناوخۆ و هاتوچۆ و تەندروستی، ڕێکاری پێویستمان گرتووەتە بەر بۆ ئەوەی لە حاڵەتی هەر ڕووداوێکی نەخوازراودا تیمەکانمان بتوانن لە زوترین کاتدا بچن بەدەم هاووڵاتیانەوە و هەروەها نەهێڵن قەرەباڵغی و ڕووداوی نەخوازراو ڕووبدات.
ئه و بەرپرسەی گەشتوگوزاری هەڵەبجە ئەوەشی وت بەهۆی ئەوەی هێشتا پلەکانی گەرما وەک پێویست دانەبەزیون، بۆیە پێشبینی دەکەین ئه و گەشتیارانەی کە ڕوو لە ناوچەکە دەکەن زیاتر سەردانی سەیرانگای ئەحمەد ئاوا و سەرچاوەی زەڵم و سەیرانگەی ئاوێسەر و بیارە بکەن، هاوکات پێشبینیش دەکەین لەم جەژنەدا نزیکەی 60 هەزار گەشتیاری ناوخۆیی و بیانی ڕوو لە ناوچەکەمان بکەن چونکە لە جەژنی ڕەمەزاندا زیاد لە 55 هەزار گەشتیار هاتبوونە ناوچەکە.[1]
#20-08-2018#
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,535 ganger
Skriv din kommentar om dette elementet!