سەرۆکی دەستەی پاراستن و چاککردنی ژینگەی هەرێمی کوردستان ئاشکرای دەکات، کە هیچ پاڵاوگەیەکی سوتەمەنیی لە هەرێمی کوردستان مۆڵەتی یاساییان نییە، ڕاشیدەگەیەنێت: لە کۆی 200 پاڵاوگە تەنها 28-یان دەهێڵدرێنەوە و ئەوانی دیکە دادەخرێن.
ئەمڕۆ لە بینای دەستەی پاراستن و چاککردنی ژینگەی حکومەتی هەرێمی کوردستان لە شاری #هەولێر#، هەڵۆ عەسکەریی، سەرۆکی دەستەی پاراستن و چاککردنی ژینگە کۆنگرەیەکی ڕۆژنامەنووسیی سەبارەت بە پاڵاوگەکانی سوتەمەنیی لە هەرێمی کوردستان ئەنجامدا.
لە کۆنگرەکەدا، ڕایگەیاند: سەرجەم کۆمپانیاکانی نەوت و غاز بانگهێشتکراون بۆ لێکۆڵینەوە لەبارەی پیسکردنی ژینگە و ڕێگرییکردن لە پیس بوونی ژینگە و لێپرسینەوە و داخستنی ئەو پاڵاوگانەی دژی ڕێنماییەکانمان کاردەکەن.
هەڵۆ عەسکەریی، وتیشی: تا ئێستا هیچ پاڵاوگەیەک لە هەرێمی کوردستان مۆڵەتی یاساییان نییە، بەڵام هەندێک پاڵاوگە لەلایەن هەندێک کۆمپانیاوە بەناوی کارگەی قیر کراونەتەوە، کە ئەوەش پێچەوانەی ڕێنماییەکانی حکومەتی هەرێمە.
سەرۆکی دەستەی پاراستنی ژینگە، ڕاشیگەیاند: کە لە مانگی شەش-ی ئەمساڵ، بڕیارێک لەلایەن سەرۆکی ئەنجومەنی هەرێمیی بۆ کاروباری غاز دەرکراوە، بۆ داخستنی سەرجەم ئەو پاڵاوگانەی کە بوونەتە هۆی پیسبوونی ژینگە و دەبێت خاوەنی پاڵاوگەکە شوێنی پاڵاوگەگەش چاک بکاتەوە.
هەڵۆ عەسکەریی، سەرۆکی دەستەی پاراستنی ژینگە، وتیشی: بەپێی بڕیاری ئەنجومەنی وەزیران لە کۆی 200 پاڵاوگە تەنها 28-یان دەهێڵدرێنەوە و ئەوانی دیکە دادەخرێن، ئەو 28 پاڵاوگەیەش هیچیان مۆڵەتی فەرمییاننییە، بەڵام دەستەی پاراستن و چاککردنی ژینگە 21 مەرجی بۆ کارکردنیانداناوە تا بتوانن کاربکەن، ئەگەریش پابەندی ڕێنماییەکان نەبن ئەوانیش دادەخرێن.[1]
#04-09-2018#
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3,340 ganger
Skriv din kommentar om dette elementet!