لە ساڵی نوێی خوێندندا 120هەزار خوێندکاری قۆناغی یەکەم دەست بە خوێندن دەکەن، بەهۆی قەیرانی دارایی-شەوە ئامادەکاریی خێزانەکان بۆ ساڵی نوێی خوێندن سستی پێوە دیارە.
بڕیار وایە، لە ڕۆژی 2/10ی ئەمساڵدا، خوێندنی ساڵی نوێ لە هەرێمی کوردستان دەستپێبکات، بەو بۆنەیەشەوە خێزانەکان ئامادەکارییان دەستپێکردووە بۆ کڕینی پێداویستی خوێندن بۆ خوێندکارەکانیان.
خێڵان کەمال، کە هاوڵاتیەکی شاری #سلێمانی# بوو، لە بازاری شاری سلێمانی سەرقاڵی کڕینی پێداویستی خوێندن بوو بۆ مناڵەکانی، بە ڕۆژنیوزی وت:دەفتەر و قەڵەم و پێویستی خوێندن بۆ منداڵەکانمان ئامادە دەکەین، بەڵام لەبەر ئەوەی ڕەنگی پۆشاکەکان لە خوێندنگاکانەوە دیاری دەکرێن، ناتوانین پۆشاک بۆ منداڵەکان بکڕین.
نەسرین عیزەدین، کە مامۆستای یەکێک لە قوتابخانە بنەڕەتییەکانی شاری سلێمانی-یە، لەبارەی دیاریکردنی ڕەنگی پۆشاکی خوێندکارانەوە بە ڕۆژنیوزی وت: ئەوەندەی من ئاگادارم، لە هەندێک قوتابخانەدا بۆ ئەوەی ئەرک نەخرێتە سەر شانی کەسوکاری خوێندکاران، بڕیار دراوە ڕەنگێک دیاری بکرێت، کە لە هەموو ماڵێکدا دەست دەکەوێت، وەک کراسی سپی و پانتۆڵی ڕەش.
محەمەد جەزا، کە خاوەنی دووکانێکی فرۆشتنی پێداویستی خوێندن بوو، لەنێو بازاڕی گەورەی شاری سلێمانی-دا، بە ڕۆژنیوزی وت: دوکانەکانمان بە پێداویستی خوێندن ڕازاندووەتەوە، بەڵام خەڵک شت ناکڕێت، لەچاو ساڵانی پێشوودا بێبازاڕییەکی زۆر هەیە، هۆکارەکەشی قەیرانی داراییە.
لە هەرێمی کوردستاندا 6 هەزار و 799 قوتابخانە هەیە، کە 1ملیۆن 706 هەزار و 509 خوێندکار تێیدا دەخوێنن.[1]
#24-09-2018#
Dette produktet har blitt skrevet på et språk (کوردیی ناوەڕاست - Central Kurdish), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,831 ganger
Skriv din kommentar om dette elementet!