سەگمان تۆپيە لۆيە قاپمان واپيسە
ئەم ئيديۆمە زياتر بە ئيديۆمی ماڵە عەرەبان دەچێت وەک لە ماڵە کوردان، کورد لەباشوری کوردستان هاوسنورە لەگەڵ نەتەوەی عەرەب بۆيە بەهۆی هاوسنوری و تێکەڵيەوە هەندێ داب و نەريت و کلتور و قسەی نەستەق و ئيديۆم-يان لەيەکترييەوە وەرگرتووە، کورد دەڵێت عەرەب پيس و پەڵۆس ترە و سەحن و قاپ و قاچاخ و دەوری و لەگەن ناشۆن هەر سەگەکانيان بەزمان دەيلێسنەوە، دەگێڕنەوە چەند کوردێک لەماڵە عەرەبێک ميوان دەبن و عەرەبيش بۆ ميوانداری خانەخوێی باشن و ڕێگە نادەن بەميوان نزيکی ژەمی خۆراک بڕوات، ئينجا کە خوارنيان هێناوەتە سەر سفرە و بەردەست لەکاتی بسميللا کردن قاپ و قاچاغەکان زۆر پيس بوون و خاوەن ماڵ کە هەستی کردووە ميوانەکان درکيان کردووە و بە بێزەوە دەست بۆ خواردنەکە دەبن، پێيان دەڵێت دەبێت بمانبوورن(سەگمان تۆپيە لۆيە قاپ-مان وا پيسە) هاوشێوەی ئەم پەند و ئيديۆمە لەناو کوردان وا باوە ئەگەر ماڵێک پيس و پەرۆس و پۆخڵ بن دەوترێت(سەگ بە گوو-ەوە دەيان-بات).
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,727 ganger
Skriv din kommentar om dette elementet!