یەکێک لە شوێنەوارە مێژووییەکانی شاری #شنۆ# لە لایەن کەسانێکی هەلپەرەست، بە شێوەی نایاسایی بە تاڵان دەبرێت.
بەپێی هەواڵی گەیشتوو بە ئاژانسی هەواڵدەریی کوردپا، قەڵاتگەی حەسەن نووران کە بە یەکێک لە ئاسەوارە کۆنەکانی شاری شنۆ بە ئەژمار دێت، لە لایەن کەسانێکی هەڵپەرەستەوە، هەڵدەکەندرێت.
سەرچاوەیەکی ئاگادار لەو بارەیەوە بە ئاژانسی کوردپای ڕاگەیاند: ئەو کەسانە لە ڕۆژدا هەوڵی هەڵکەندنی ئەو شوێنەوارە میژوویی و کۆنە دەدەن و ناوەندە حکوومەتییەکانیش لەو پەیوەندییەدا، بێدەنگیان هەڵبژاردووە.
ئەو سەرچاوەیە هەروەها دەڵێت: کەسانی هەلپەرەست تەنانەت دەستیان بە تەقە کردووە و هەڕەشیان لە خەڵک کردووە هەتا بتوانن بە ئاسوودەیی هەوڵی بە تاڵان بردن و لە ناوبردنی ئەو شوێنەوارە کۆنە بدەن.
هاووڵاتییان لە سەر ئەوە باوەڕن کە شوێنەوارە مێژووییەکان لە لایەن دەستوپەیوەندییەکانی سپای پاسدارانەوە بە شێوەی نایاسایی هەڵدەکەندرێت و لەو پەیوەندییەدا، ئیدارەی میراتە فەرهەنگییەکان هیچ پارەیەک بۆ پاراستنی ئەو شوینەوارە مێژووییانە تەرخان ناکات و هەروەها هیچ گەڵاڵەیەکی بۆ چاوەدێڕی بە سەر ئاسەوارە مێژووییەکان نییە.
بەپێی ڕاپۆرتە باوەڕپێکراوەکان، ناوەندە ئەمنییەتییەکان بە تایبەت هێزەکانی سپای پاسداران دەستیان لە هەڵکەندن و بە تاڵان بردنی شوێنەوار و کەرەستە کۆنەکانی ئەو شوێنەوارانە لە ناوچەکانی کوردستاندا هەیە و لەگەڵ گرووپە مافیاییەکان لەو بوارەدا، هاوکاریان هەیە.[1]
#23-10-2018#
Dette produktet har blitt skrevet på et språk (کوردیی ناوەڕاست - Central Kurdish), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,712 ganger
Skriv din kommentar om dette elementet!