ئەمەش نەقڵێکی لە مێژ و کۆنە
پاداران بگرە، بێ پا ئی خۆنە [1]
ئی خۆنە= هی خۆمانە
ئەم پەندە مەبەستی لەوەیە کە شتە گرنگەکان پێش بخرێن، چونکە شتە ئاسانەکان مسۆگەر بەدەست دێت. چیرۆکێکیشی لەسەرهاتووە.
واتا: ئەوەی لەدەست دەچێت مسۆگەربکە ئەوەی کە ناڕوات وای دابنێ لە دەستخۆماندایە. (زریان سەرچناری).
پێشوان لەسەر چیرۆکی ئەم پەندە دەڵێن: کابرایەک لە هەورامان دەچێتە ماڵی برادەرێکی، خاوەن ماڵ لە تورەکەیەکدا مێوژی هەڵگرتووە و بۆی دێنێ و دایدەنێ، لەگەڵ مێوژەکەیا چەندین قالۆنچەی تیایە کە دەجووڵیەنەوە، خاوەن ماڵ دەڵی: پادارەکان بگرە، بێ پاکان هی خۆمانن.
شێخ محەمەدی خاڵ لەسەر چیرۆکی ئەم پەندە بەم شێوەیە دەڵێ: کابرایرکی لادێیی ترێ ڕەشکە هەڵدەخات، بۆ ئەوەی بیکا بە مێوژ پاشان لەگەڵ ژنەکەیدا ئەچێ کۆیان بکاتەوە، تەماشا ئەکا قالۆنچەی ڕەشی زۆر پێوەنیشتووە، قالۆنچەکای ئەیانەوێ بڕۆن، کابرا وادەزانێ مێوژن، بۆیە دەڵێ: پادار بگرە، بێ پێ ماڵێ وێمانە. واتە: ئەوانەی ئەڕۆن بیانگرە، ئەوانەی ناڕۆن هی خۆمانن. [2]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,242 ganger
Skriv din kommentar om dette elementet!