#دەربەندی گۆمەسپان#
گوندێکە سەر بەشارەدێی(پيرمام-سەلاحەددين) ی شارۆچکەی(شەقڵاوە)ی شاری #هەولێر#، بەر لە حەفتاکانی سەدەی ڕابردوو گوندێکی شارۆچکەی کۆيە بووە بەڵام ئاغادێ بووە و ئاغاکانی خۆشناوەتی نيشتەجێی شەقڵاوە بوون بۆيە گواستويانەتەوە سەر شارەدێی پيرمام و شارۆچکەی شەقڵاوە تاوەکو لەرووی کاروباری ياسايی و کشتيارييەوە دەستيان بەسەر ڕابگات، خزمانی هۆزی(بڵباس و خۆشناو) خاوەندارێتی دەکەن.
له و سنورە دوو گوند هەيە دەربەندی گۆمەسپان کە کەوتۆتە نێو گەلی و دەربەندێکەوە لەبەری ڕۆژهەڵاتی چيای کێشکە و لەبەری ڕۆژئاوای چيای سارتکە و قێرژە و دواتر چيای #سەری ڕەش#ە، لەگۆتەی کوردەواريدا پەندی تاقيکراوەی لەسەرە و وتراوە(#ئەگەر نەگەيشتيە کوێستانێ، هەڕوە دەربەندی گۆمەسپانێ#) ئاووهەوايەکی کوێستانی هەيە و لەچلەی هاوينێ پلەکانی گەرما بەتێکڕای 32پلەن و خاکێکی بەپيتيشی هەيە بەتايبەت بۆ بێستانی(گندۆرە و ترۆزی) و مێرگ و پاوانی باشيشی هەيە بۆ مەڕداری خاوەن مێگەلەکانيان دەڵێن هەندێ جار بە س بە بۆنکردنی مەڕەکانمان تێردەخۆين.
گوندەکەی تر کەوتۆتە پێدەشتەکەوە بەلای(#کانی کەوان#)ەوە پێی دەوترێت(#گۆمەسپان#).
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,442 ganger
Skriv din kommentar om dette elementet!