ناوەندی ڕاگەیاندنی یەکینەکانی پاراستنی گەل (#یەپەگە#) دەربارەی دەستگیرکردنی 3 چەتەی بیانیی #داعش# ڕاگەیەنراوێکی بڵاوکردەوە. لە ڕاگەیەنراوەکەدا هاتووە: (تێکۆشانی یەکینەکانمان لەژێر چەتری هێزەکانی سووریای دیموکراتی (قەسەدە) لە ناوچەی هەجین و دەوروبەری، بە دەستکەوتی گەورە لە بەرانبەر داعش بەره و پێش دەچێت. ڕۆژی 27ی کانوونی دووەم\6ی ڕێبەندان، هەریەکە لە خالید وەلید ئەحمەد، ساڵح خدر محەمەد و دێلۆڤار دۆدیڤ ئازمۆڤۆچ کە چەتەی داعشن و لە بنەڕەتدا خەڵکی سوودان و تاجیکاستانن، لە ناوچەکانی شەفعە و هەجین لەکاتێکدا بەنهێنی لە جموجۆڵدابوون و هەوڵیان دەدا بچنە تورکیا، پاش ماوەیەک چاودێری کردن، لە لایەن تیمەکانی هەڵمەتی تایبەت-ەوە دەستگیر کران.)
یەپەگە ڕایگەیاند: (زۆر چەتە لەکاتێکدا هەوڵ دەدەن بچنە تورکیا، لە ئەنجامی زەحمەتیی زۆر لە لایەن یەکینەکانی یەپەگە و #یەپەژە# دەستگیر دەکرێن. بە گوێرەی ئه و زانیارییانەی له و چەتانە وەردەگیرێن کە دەستگیر کراون، دەردەکەوێت کە زۆربەیان لە ڕێی تورکیاوە دەربازی ناوچەکە دەبن و بەشداری دەکەن لە چالاکییە تێرۆریستییەکان.)
لە درێژەی ڕاگەیەنراوەکەی یەپەگەدا هاتووە، (دەربارەی ئه و چەتانەی داعش کە لە دوایین هەڵمەتەکانماندا دەستگیر کراون، دواتر زانیاریی زیاتر بە ڕای گشتی ڕادەگەیەنین.)[1]
#28-01-2019#
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,266 ganger