بە بۆنەی هاتنی ساڵی تازەوە گەرمترین پیرۆزبایی لە خەڵکی کوردستان بەگشتیی و هێزەکانی پێشمەرگە بەتایبەتی دەکەم. دەخوازم ساڵی نوێ هەڵگری پەیامی سەرکەوتنی گەلەکەمان و هێنانەدی خێر و خۆشییی و کۆتایی هاتنی کێشەو گرفتەکان بێت و ئامانجەکانمان بەدی بێت.
گەلی کوردستان لە ڕابردوودا دەردەسەری ومەینەتی زۆری بینیوە و لەرێگەی پێشمەرگە گیان لەسەر دەست و قارەمانەکانیدا گیانفیدایی و قوربانی زۆری داوە بۆ دابینکردنی داهاتووێکی گەشتر و ژیان بە شێوەیەکی ئاشتییانە و سەردەمییانە. ئێستاش کە پێدەنێنە ساڵی تازە بەشاهێدی خەڵک و خاکی کوردستان، هێزەکانیی پێشمەرگە بە ورەو ئومێدی پۆڵاینەوە لەبەرەکان و سەنگەری پاراستنی خاک و خەڵکی کوردستان، پارێزگاری لە هەموان دەکەن.
پیرۆزباییی ساڵی تازە لە هەموو پێکهاتە نەتەوەیی و ئایینییەکانی کوردستان دەکەم، هیوادارام لەسایەی ئەو ئاسایش و سەقامگیرییەی لەکوردستان دا هەیە، هەرێمەکەمان پارێزراوتر و وەک هەمیشە ماڵێکیش بێت بۆ هەموان بەبێ جیاوازی.
سڵاو لەگیانی پیرۆزی ئەو فیداکارانەی خوێن و تەمەنی خۆیان پێشکەش بەو خاک و نیشتمانە کرد، سڵاو لە یەکە بەیەکەی هێزی پێشمەرگەی کوردستان و تەواوی هێزەکانی، کە بوونەتە پارێزەر و قەڵغانی ئارامی ئەو هەرێمە و مانەوەمان، سڵاو لەخانەوادەی سەربەرزی شەهیدان و کەمئەندامانی سەنگەر و پێشمەرگە بریندارەکان لەگەڵ هیوای چاکبوونەوە، سەری ساڵی نوێتان لێ پیرۆز دەکەم و درود و ستایش دەنێرین بۆ ڕوحی بەرزەفڕی شەهیدانمان.
لەکۆتاییدا، دەخوازم لەساڵی نوێدا، کاتە سەخت و دژوارەکان تێپەر بکەین و بەگیانی لەخۆبردوویی و لێپرسراویەتیەوە، بەرەو باشکردنی ژیانی هەموان و لەنێویشیدا بارو گوزەرانی پێشمەرگە هەنگاوبنێین و ئایندەیەکی گەش و ئارامی و پێشکەوتن و بوژانەوە بێتە ڕێگامان.
شۆڕش ئیسماعیل
وەزیری پێشمەرگەی حکومەتی هەرێمی کوردستان
#31-12-2019#
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,526 ganger
Skriv din kommentar om dette elementet!