رۆژانی 30 و 31ی ئەم مانگە، پێنج ساڵ بە سەر شەهیدبوونی هەردوو فەرماندە (#شێرکۆ فاتیح شوانی#) و (#حسێن مەنسور#) و پۆلێک لە هاوسەنگەرانیان تێدەپەڕێت، کە لە داستانێکی کەم وێنەداو لە پێناو پاراستنی #کەرکووک# و پێکهاتەکانی بە خوێنی گەشیان توانیان بەر بە پیلانگێڕییەکی گەورە و مەترسیداردا بگرن و ڕێگەیان نەدا دەستی ڕەشی ڕێکخراوی تیرۆرستی #داعش# بگاتە کەرکووک و، دانیشتوانەکەی ڕەشە کوژ بکرێن!
لە ماوەی سێ ساڵی شەڕی ڕێکخراوی تیرۆرستی داعش، هێزی پێشمەرگەی کوردستان، بە پاڵپشتی و پشتیوانی هێزە ئەمنییەکان و خەڵکی جوامێری کەرکووک، گەورەترین نەبەردییان تۆمارکرد و ڕێگەیان بە تاقم و گروپە تیرۆرستییەکان نەدا بە مەرامە گڵاوەکانی خۆیان بگەن کە ئامانجیان داگیرکردن و خاپوکردنی کەرکووک و قەتل و عامکردنی خەڵکەکەی بوو.
ئەڵبەتە، سەروەری و شانازیی ئه و سەرکەوتنە گەورانەی کە بەسەر گروپ و تاقمی تیرۆرستییەکاندا لە ماوەی شەڕی داعشدا لە کەرکووک بەدەست هات، لە پێشدا بۆ شەهیدان و کەسوکارە سەربەرزەکانیان دەگەڕێتەوە ئینجا بۆ فەرماندەکانی وەک (شێرکۆ فاتیح شوانی) و لیوا (حسێن مەنسور) و هاوڕێکانیان، کە بە ئازایەتی و جوامێری خۆیان، بوونە قەڵغانی پاراستنی سەرجەم پێکهاتەکانی کەرکووک و هەر له و پێناوەشدا گەیشتنە کاروانی نەمران و بوون بە ڕەمزی بەرەنگاربوونەوە و تێکشکاندنی ڕێکخراوی تیرۆرستی داعش.
مەخابن! شەوی 29لەسەر 30ی 1ی 2015 (لیوا شێرکۆ فاتیح شوانی) و هەروەها ڕۆژێک دواتریش لیوا (حسێن مەنسور) لە کاتی بەرگریکردن لە خاکی پیرۆزی کوردستان و پێکهاتەکانی کەرکووک، لەگەڵ پۆلێک لە هاوسەنگەرانیان لە شەڕێکی دەستە و یەخەی زۆر سەختدا بەرامبەر بە ڕێکخراوی تیرۆرستی داعش، گەیشتنە دوا مەنزڵگە و، بۆ هەمیشە ماڵئاواییان لێمان کرد!
سڵاو.. لە شەهیدانی ڕێگەی ئازادیی..!
هەر شەکاوە بێت ئاڵای پیرۆزی کوردستان..!
#ئاسۆ مامەند#
ئەندامی ئەنجومەنی سەرکردایەتی گشتی #یەکێتیی نیشتمانیی کوردستان#
#28-01-2020#
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,317 ganger
Skriv din kommentar om dette elementet!