ئەمڕۆ نیوەڕۆ 13/3/2020 کاتژمێر 01:00ی نیوەڕۆ لەنەخۆشخانەکەمان چەند کەسێک لەکاتی سەردانیان پابەندی ڕێنمایی نەخۆشخانە نەبوون و لەئەنجامدا دەمەقاڵێیەکی سوک لەنێوانیان ڕوویدا و دوای ماوەیەکی کورت چەند چەکدارێک بێ ئەوەی هەست بەبەرپرسیارەتی بکەن هێرشیان کردە سەر نەخۆشخانە و لەئەنجامدا چەند کارمەندێکی پرسگەو پاسەوانانی نەخۆشخانەکەمان بەسوکی بریندار بوون و دواتر بابەتەکە ڕێچکەی یاسایی خۆی وەرگرت و سەرپێچیکاران ڕادەستی یاسا کران بۆ لێپێچینەوە.
سوپاس بۆ خوا ڕەوشەکە زۆر ئارامە و لەکاتی ئێستادا لەنەخۆشخانەکەمان سەرجەم خزمەتگوزارییە تەندروستییەکان بەشێوەیەکی ئاسایی و ڕێک و پێک پێشکەش دەکرێت.
بەهیوای تەندروستیەکی باش بۆ هاووڵاتیان
راگەیاندنی نەخۆشخانەی فریاکەوتنی ڕۆژئاوا
#13-03-2020#
ڕوونکردنەوەیەک لە بەڕێوەبەرایەتی گشتی تەندروستی هەولێر
ئەمڕۆ 2020/3/13کاتژمێر 01:00 ی نیوەڕۆ لەنەخۆشخانەی فریاکەوتنی ڕۆژئاوای هەولێر چەند کەسێک لەکاتی سەردانیکردنیان بۆ نەخۆشخانەی فریاکەوتنی ڕۆژئاوا پابەندی ڕێنمایی نەخۆشخانە نەبوون و لەئەنجامدا دەمەقاڵێیەکی سوک لەنێوانیان ڕوویدا و دوای ماوەیەکی کورت چەند چەکدارێک بێ ئەوەی هەست بەبەرپرسیارەتی بکەن هێرشیان کردە سەر نەخۆشخانە و لەئەنجامدا چەند کارمەندێکی پرسگە و پاسەوانانی نەخۆشخانەکەمان بەسووکی بریندار بوون بۆ ئەم مەبەستە لە پارێزگای هەولێر لێژنەیەک پێک هاتووە بۆ لێکۆڵینەوە و سزادانی سەرپێچیکاران و لە ئێستادا بابەتەکە ڕێچکەی یاسایی خۆی وەرگرتووە و سەرپێچیکاران ڕادەستی یاسا کران، ئێستاکە ڕەوشەکە ئارامە و نەخۆشخانە بەڕێکاری کارەکانی خۆی دەروات و سەرجەم خزمەتگوزاریە تەندروستییەکان بەشێوەیەکی ئاسایی وڕێک و پێک پێشکەش بە هاونیشتیمانیان دەکرێت، بەهیوای تەندرووستییەکی باش بۆ هاووڵاتیان.
راگەیاندنی بەڕێوەبەرایەتی گشتی تەندروستی هەولێر
13-03-2020
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,887 ganger
Skriv din kommentar om dette elementet!