Kovara Mehname yekem kovara kurdî ye ku xwerû ango bi tenê li ser Internetê derdikeve.
Ta niha berhemên bi sedan nivîskarên kurd û biyanî tê de cih girtiye. Kovara Mehname ji sala 1999 ve bi berdewamî her meh derdikeve.
=KTML_Bold=Rêbaza weşanê=KTML_End=
Kovara Mehname cudahiyê naxe navbera nivîskarên baweriyên wan yên siyasî yan civakî ji hev dûr.
Ya ji Mehnameyê re giring naverroka nivîsên wê ye.
=KTML_Bold=Cûnên berheman=KTML_End=
Di Mehnameyê de herî zêde wêjeya spehî tê nivîsîn anku helbest û pexşan di Mehnameyê de serdest in.
Lê herwiha nivîsarên li ser mijarên aktuel tê de cih digirin.
Di pişka Weşan de pirtûk û berhemên din yên nû yên bi kurdî tên nasandin û nirxandin. Nûçeyên giring yên çandeyî di bin navê Nûçe de belav dibin.
Mehname di her jimareya xwe de bi kêmî kurteçîrrokekê pêşkêşî zarrokan dike. Ta niha di gel gelek çîrrokên kurdî û yên biyanî, bi dehan kurteçîrrokên şîretder yên Aysoposê yewnanî di kovarê de derketine.
Di bin sernavê Gelêrî de Mehname mehane çîrok û stiranên gelêrî yên kurdî diyariyî xwendevanên xwe dike.
Ziman beşek e ku bi pirranî ferhenga soranî - kurmancî ya #Husein Muhammed# tê de têt belavkirin. Lê ji bilî wê gelek mijarên din jî yên zimanê kurdî tê de tên vekolîn.
Mehname tê dikoşe di her hejmara xwe de cih bide yek yan du-sê e-pirtûkan. Ev pirtûkên elektronîkî berhemên pirr berfire ne û di gelek ji wan de bi sedan rûpel hene.
Kovara Mehname herdem ji weşanên din yên kurdî zêdetir cih daye berhemên wergerrandî. Ta niha berhemên bi dehan - ger ne bi sedan - nivîskarên cîhanî yekem car di Mehnameyê de bi kurdî hatine weşandin.
Di nav van berheman de mirov dikare sê pirtûkên Xelîl Cibranî, dîwanek Hafizê Şîrazî, dîwanek Mewlana Celaledînê Rûmî, pendnameyek Se'diyê Şîrazî, romanek Anton Çexov û şanoyek William Shakespeare jî bibîne.[1]
Ji bilî sernivîser Husein Muhammedî, gelek kesên din jî bi berdewamî di Mehnameyê de nivisîn.
Ji van kesan #Şahînê Bekirê Soreklî# ji destpêkê ve tê de nivîsiye. Lokman Polat jî bi salan e bi berdewamî tê de dinivîse.