هێزەکانی ڕزگاریی #عەفرین#، ڕایگەیاند، لە چالاکییەکانی چەند ڕۆژی ڕابردوودا لە سنوری عەفرین و چەند ناوچەیەکی دیکە بە لانی کەمەوە 10 چەتە کوژراون و 14 چەتەی دیکەش برینداربوون.
هێزەکانی ڕزگاریی عەفرین، لەبارەی چالاکییەکانی ڕۆژانی 21 – 23ی نیسان، لە شێراوا، جەرابلوس، ڕاعی و عەفرین ڕاگەیەندراوێکی بڵاوکردەوە.
لە ڕاگەیەندراوەکەی هێزەکانی ڕزگاریی عەفریندا هاتووە: لە 21ی نیساندا هێزەکانمان لە ڕێگای نێوان گوندی کیمار و بەرادی سەر بە ناوچەی شێراوا لە دژی چەتەکانی سوپای داگیرکەر چالاکییەکی بۆمبییان ئەنجامدا، بەوهۆیەوە 2 چەتە کوژران و 3 چەتەی دیکەش برینداربوون.
هەروەها لە 23ی نیساندا لە جەرابلوس و ڕاعی لە دژی چەتەکانی سوپای داگیرکەری تورک 3 چالاکیی بۆمبییان ئەنجامدا، لە ئەنجامی ئەو 3 چالاکییەشدا 8 چەتە کوژران و 11 چەتەی دیکەش برینداربوون و ئۆتۆمبێلێکی چەتەکانیش تێکشکێنرا.
هەر لە ڕاگەیەندراوەکەدا هاتووە هێزەکانمان لە گۆڕەپانی مارع لە ناوەندی شاری عەفرین لە دژی چەتەکانی سوپای داگیرکەر چالاکیی بۆمبییان ئەنجامدا، بەڵام ئەنجامی ئەو چالاکییە ڕوون نەبووەتەوە.[1]
#25-04-2020#
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,231 ganger
Skriv din kommentar om dette elementet!