راگەیاندنێک بۆ ڕای گشتی
ئێمە، ئەندامانی ئەنجومەنی نوێنەرانی عێراق، لە پارێزگاکانی هەرێمی کوردستان، لەبەر ئەم هۆکارانەی خوارەوە پشتیوانی تێپەڕاندنی کابینە حکومیەکەی بەڕێز مصطفی کاظمی نین:
یەکەم: ئەم کابینەیە و سەرۆکەکەی بە فەرمی هیچ گەرەنتییەکی نەداوە کە کێشەی بودجە و موچەی هێزەکانی پێشمەرگە و فەرمانبەران و شایستە داراییەکانی جوتیارانی هەرێم چارەسەر دەکات و هیچیتر مافە داراییەکانی هەرێم و خەڵکەکەی نەکاتە بەشێک لە ململانێی سیاسی لە نێوان #هەولێر# و بەغداد.
دوەم: بۆ جارێکیتر، کێشەی #کەرکووک# و تەواوی ناوچە کێشە لەسەرەکان و بنەماکانی دابەشکردنی دەسەڵاتەکان لە نێوان هەرێم و حکومەتی ئیتیحادی، کرایەوە قوربانی پشکی وەزاری لە حکومەتی تازە.
سێهەم: ستافی سەرۆک وەزیری ڕاسپێدراو تەنیا بۆ پێدانی پۆستی وەزاری گفتوگۆی لەگەڵ پارتی و یەکێتی کردوە، کەئەوە کاری لە پێشینەی ئێمە نیە، ئێمە خاوەنی دیدی سیاسیی نیشتیمانی جیاوازی خۆمانین. پارتی و یەکێتیش وەک خوی هەمیشەیی بەرژەوەندی باڵای گەلی کوردستانیان کردوە بە قوربانی بەرژەوەندییە حیزبییە بچوکەکان.
بۆیە ئێمە ڕایدەگەیەنین کە لە هەر ئەنجام و لێکەوتەیەک لە ڕێگەی تێپەڕاندنی ئەم حکومەتەوە، کە کاریگەری خراپ بکاتە سەر ئایندەی هەرێم و ژیانی خەڵکەکەی، بەرپرسیار نین و بەرپرسیاری لێکەوتەی ئەوتۆ دەکەوێتە ئەستۆی ئەو کەس و لایەنانەی کە پشتیوانیی تێپەراندن و پێکێهێنانی ئەم کابینەیان دەکەن:
ناوەکان:
1. غالب محمد عەلی
2. هۆشیار عەبدوڵا
3. #سەرکەوت شەمسەدین#
4. کاوە محەمەد
5. سروە ونس عمر
6.رابون مەعروف
7.یسری ڕجب کمر
#06-05-2020#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,959 ganger
Skriv din kommentar om dette elementet!