فەرماندەیی گشتی #یەپەگە# لەبارەی ڕووداوەکەی 27-28ی حوزەیرانی 2013ی عاموودێ داوای لێبوردنی کرد و وتی، ئەو ڕووداوەی کە لە 27-28ی حوزەیرانی 2013دا لە عاموودێ ڕوویدا کارەساتێک بوو و زیانێکی گەورەی بە گەلەکەمان گەیاند و پێویستە لە مێژووی گەلی کورد و ڕۆژئاوادا دووبارە نەبێتەوە.
ئێمە وەک فەرماندەیی گشتی یەکینەکانی پاراستنی گەل (یەپەگە) خۆمان بەرپرسیار دەبینین و غەمگینی خۆمان دەردەبڕین و ڕایدەگەیەنین کە دان بەوە هەڵەکەماندا دەنێین کە کاتێک یەکینەکانمان لە بەرەکانی شەڕ دەگەڕانەوە ڕووبەڕووی گرۆپێک لە خۆپیشاندەران بوونەوە لەبەرانبەر ناوەندی ئاسایش کە داوای ئازادکردنی گەنجانی چالاکوانیان دەکرد و لە ئەنجامدا کەسانی بێتاوان گیانیان لەدەستدا.
ئێمە وەک فەرماندەیی گشتی یەپەپە لە ناخەوە غەمگینی و داخی خۆمان دووبارە دەکەینەوە. هەروەها ئێمە ئامادەین هەموو شتێک ئەنجام بدەین بۆ ئەوەی ئەم برینە لە مێژووی شۆرشی ڕۆژئاوادا دەرمان بکەین، لێبۆردنی خۆمان پێشکەش دەکەین و قەڕەبووی مەعنەوی و مادی پێشکەش بە خانەوادەی شەهیدانی گەلی ئێمە لە شاری عاموودێ دەکەین.
بۆ ئاشتبوونەوە و بەدەستهێنانی ئاشتی و ئارامی و ئاسایش لە دڵی گەلەکەماندا، ئێمە فیداکاریمان کردووە و ئەوەش ئەرک و مافی گەلەکەمانە و بەرپرسیاریەکە کە ئاسایش و ئارامی ئەم گەلە مسۆگەر ببێت و ئێمە ئامادەین هەموو شتێکی پێویست بکەین.[1]
#27-06-2020#
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,085 ganger
Skriv din kommentar om dette elementet!