درۆ لایان ساغ دەبێتەوە.
درۆ، شاردنەوەی ڕاستیەکانە، چاوبەست و دزینی عەقڵی مرۆڤە، ساغکردنەوە واتە کڕین وفرۆشتنی لە بازاڕدا، کاتێک کەل وپەل و بەرهەمێک بەرهەم دەهێنرێت پێویستی بەبازاڕ هەیە بۆ ساغکردنەوەی، له و ئیدیۆمەدا درۆش بازاڕی دەوێت تای لێی وەربگیرێت و سپی نەکرێتەوە، بۆ نمونە ئەگەر سێ کەس بچنە لای یەکتری و هەر یەکە و درۆیەک بکات و لەیەکتری وەربگرن، یەکێکیان دەڵێت: ئەمڕۆ بەپێیان چوومە بەغدا و گەڕامەوە، ئەویتریش دەڵێت: منیش دەریای ئیجەم بە باسکە بڕی و دواینیشیان دەڵێت:بڕکە شفتیەکم چاند توولەکەی لە کۆیەوە گەیشتە شەنگال و دوو شفتی گرت هەردوو ڕووباری زێی گچکە و بادینانی پەنگاندوە، واتە هەر سێ کەس هەستیان لەدرۆی یەکتری ڕاگرت و کەس کەسی بەدرۆ نەخستەوە لە ئیدیۆمی کوردیدا بەگاڵتەوە به و گروپە دەوترێت(درۆ لایان ساغ دەبێتەوە) واتە خۆیان بازاڕی درۆن و لەیەکتری دەکڕن.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 665 ganger