کێچ بە گا دەفرۆشێت
کێچ زیندەوەرێکی بچوکی باڵداری مشەخۆرە هاوشێوەی(ئەسپێ)یە، دەچێتە نێو کەوڵ و جلوبەرگ و دەچێتە سەر لەشی مرۆڤەوە، زۆر خراپ بە مرۆڤەوە دەدات و هەستیاری دروست دەکات، ناویشیان لەدوای یەک دێت(وەختە کێچ و ئەسپێ بمان خوات) لەئیدیۆمدا بەکارهاتووە وەک(لەکێچی ڕوونێ دەگرێت، دەڵێی کێچ چوتە کەوڵت)، گاش نێرینەی مانگایە و زەبەڵاح و گەورەیە، ئەویش لە کۆمەڵێک ئیدیۆمدا بەکارهاتووە(مێشێک دەکاتە گامێشێک، گای بەگونان دەناسێت، گایەک و نانەکی پێ وەکو یەکە...تاد) لە ئیدیۆمی(کێچ بە گا دەفرۆشێت) دا، واتە کەسێکی لەبلەبان و زۆرزان و زیرەک و حەوت گیرفان و چەرچی و چێوار و مامەڵەچیەکی عەیارە هەندە شارەزایە دەتوانێت ئەو(کێچ)ە بچوکە زیانبەخشە بە(گا) بفرۆشێت.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,002 ganger