گەریلاکانی ئازادیی کوردستان لە هەر دەڤەرێکی کوردستان و هەرە دوایی لە گارە و هەفتانین بەرخۆدانێکی بەهێزیان نیشاندا و سەرکەوتنێکی گەورەیان بۆ گەلی کورد تۆمار کرد. گەلەکەمان بەو ورە و هێزەی کە لە گەریلا وەری دەگرێت، بە ورە و ڕۆحی گارە ڕژانە گۆڕەپانەکانی نەورۆز و جارێکی تر نیشانیاندا کە ئەوان گەلی سەرهەڵدانن.
لە قۆناغێکی ئاوەهادا دەوڵەتی تورکی داگیرکەر دەست لە پیلانی داگیرکاریی بەرنادات و دەیەوێت زیاتری بکات. بەتایبەتی دەخوازن هەندێک کەس لە باشووری کوردستان تێوەگلێنن و ئەوان بۆ ئامانجە گڵاوەکانیان بەکار بهێنن. لەئەم چوارچێوەیە هەندێک کەس بۆ بەرژەوەندیی مادیی هاوکاریی داگیرکەران دەکەن، لە هەفتانین لە کاری ڕێگە و لە گارە کاری بەڕێوەبردن دەکەن. لە کوردستان بۆ داگیرکاریی سەربازیی ڕێگە دروست دەکرێت. کارکردن لە دروستکردنی ڕێگەی سەربازیی بەواتای خزمەتی دووژمنە و ئەو کردەوەیە تاوانێکی گەورەیە لە دژی گەل.
کەسانێک، کە بۆ خزمەتی داگیرکەران کار دەکەن پێشتر لەلایەن فەرماندەیی ئێمە هۆشدارییان پێدراوە. گەلێک کەس ڕووی ڕاستەقینەی دوژمن-یان بینیوە و وازیان لە خزمەتکردنی داگیرکەر هێناوە. بەڵام هەندێک کەس هێشتا بە بەردەوامیی خزمەتی داگیرکەر دەکەن و لە داگیرکاریی باشووری کوردستان ڕۆڵ دەگێڕن. ئێمە جارێکی تر داوایان لێدەکەین کە با دەست لەم کردەوەیە بەردەن و خزمەتی دووژمن نەکەن ئەم کارەیان دوورە لە پێوانەکانی وڵاتپارێزیی.
فەرماندەیی هەرێمی هەفتانین
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 998 ganger
Skriv din kommentar om dette elementet!