سکرتێرە 01
لەگەر زەنگی مۆبایلەکەم بەخەبەر هاتم، تەماشا کاتژمێری مۆبایلم کرد دیتم دووی شەوێیە..! گۆتم : یا ئەڵلا خێر دەبی چببی ! ژمارەکە نەناسرای بوو، ویستم وەرامی نەدەمەوە، دوایێ گۆتم : ناوەڵلا با وەرامی دەمەوەو بزانم بەو نیوە شەوەی کێیەو چیدەوێ..! وەرامم داوەو گۆتم : فەرموو..! پاش سەلام کردن، گۆتی : کاکە لۆ زوو وەرام نادەیەوە، مردین هەندی تەلەفۆنت لۆبکەین..! گۆتم : بەویزدانت بەو نیوەشەوەی وەختی تەلەفۆنیە، برێ بزانم چبووە و چت دەوێ ؟ گۆتی : لە نووسینگەی سەرۆک وەزیرانەوە پەیوەندیت پێوەدەکەین و جەنابت پاڵێوراوی بۆ وەرگرتنی وەزارەتێک، پیرۆزەو دەبیە وەزیر، تکایە بەیانی سعات نۆ ئامادە بە لە ئەنجومەنی وەزیران، ڕەنگە هەر سبەینێ سووندی یاسایی بخورێ و دەست بەکاربی..!!
بەینەکی دامام، گۆتم : خەوە، خەونە، خەیارە..!؟ هەرچەند دەمکرد نەدەچووە مێشکم، لۆیێ ئاوڕەکی ئەولاو ئەولام داوە، دیتم ڕاستیەو بەخەبەرم، تەماشای داکی مندارانم کرد، دیتم نووستیەو پرخ و هۆڕی دەگاتە دەرکەی حەوشێ، ئەگەر دەرکەکان بکەمەوە..! ئێک دوو جار تەماشا مۆبایلەکەم کرد، دیتم تەواوەو تەلەفۆنم لۆ هاتیە..! یەک دوو زللەم لەبناگێم دا، دیتم ڕاستیەو ئازاری هەیە..! دوایێ گۆتم : هەبی و نەبی ئەو کابرایە بەو درەنگ شەوەی دیارە کەسی بەدەست نەکەتیەو بەمنی ڕابواردیە..!! لۆیێ تەلەفۆنم لۆ کردەوە، یەکسەر هەریگرت و گۆتی : خەمی بەرنامەی کاری وەزارەتت نەبی، ئەمە هەموو شتمان تەرتیب کردیە، لەسەر توو خیندنەوەو سووند خواردنە..! گۆتم : کاکی برای کەست بە دەست نەکەت پێی ڕابوێری ئەمن نەبی..! گۆتی : ببورە مامەستا ئەوە لەمە ناوەشێتەوە، ئەدی جەنابت فرانی کوڕی فرانی نی ؟ گۆتم : بەرێ هەوم..! گۆتی : دەتەواو، هەر لۆ درنیابوونی خۆشت، ها فەرموو لەگەر جەنابی سەرۆک وەزیران قسەی بکە..!! مۆبایلەکەی دا سەرۆک وەزیران و ئەویش چاک و چۆنی لەگەر کردم و گۆتی : چیە بابە باوەڕ ناکەی ؟ تەواو بازەکە لەسەری توو نیشتیەو دەبیە وەزیر، لەوەی زیاتر چت دەوێ غەدداری گەورە، ئەوجە بتبینم و نەتناسم، کوو خزمەتی خاک و نیشتیمان و هاوڵاتیان دەکەی، پاشان یەک بەدەنگی لە قریتەی پێکەنینێی داو گۆتی : بەمورتاحی بنوو، هەرچەند تەئکیدم ئەوشۆ خەوت لێناکەوی..!!
مایتی...[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 2,369 ganger
Skriv din kommentar om dette elementet!