سکرتێرە 05
ئەمنیان هاویشتە ناو تڕومبێلەکی خۆیان و ئێک لە پاسەوانەکانیش سواری تڕومبێلەکەی من بوو و کەتە دوومان، چووینە ژۆرێ و تڕومبێلەکەیان لەپەنایەکی ڕاگرت و ئەمنیان هینا خوارێ، گۆتم : کاکی من ڕاوەستن با تێتان بگەینم، ئێکەکیان دووسێ ئەستێرەی لەسە شانی بوو، پەنجەی دۆشاو مژەی بەدەوی وەناو گۆتی : ئشششششششش..! ئەمنیش بێدەنگ بووم، زانیم ئەگەر درێژەی بدەمێ شاپ تڕێنم دەکەن، دەرکەکی گچکەیان کردەوەو ئەمنیان بردە ژۆرێ و بەقۆر بەسترایی لەسەر کورسیەکیان دانام، گۆتیان : لەفزت لەزاری نێتە دەرێ هەتا بەرپرسی ئاسایشی ئێرە دێ..!! گۆتم : کورە برام وەڵلا ئەنگۆ بەسەهوو چووینە، ئەمن هاتیمە لۆ..، کابرای ئەستێرە لەشان لەقەکی ڕاوەشاندمێ و گۆتی : نەمگۆ ئشششششش، خواڕەحمی کرد لەقەکەم وێنەکەت، دەنا کەلاکەی هەردەزڕاندم..!!
بەینەکی باش بێدەنگ بووم و لەدری خۆم گۆتم : ڕەببی عافیەتت بی، ئاخر ئەتوو چت لەو حارەی دابوو هەی سەرکە سە، وەزیراتی بووە بەتەلەفۆنەکی تەرتیب بی..! لەو فکرو خەیارانە دابووم، ئەفەندیەکی قات لەبەر هاتە ژۆرێ، جیهازەکی قسەکردنێی لەدەستی بوو، هێدفۆنەکیشی لەگێی بوو، عەینەگەکی ڕەشیشی لەچاوی بوو، هەر هاتە ژۆرێ هەموو تەحیەو سەلام خوزیان لۆکرد، ئەفسەرەکە گۆتی : گەورەم ئەوە زەلامەکەیە ! ئەویش هاتە پێش و ئەمنی دیت، بڕەک تەماشای کردم و گۆتی : کورە زوو بیکەنەوە، ئەوە ئەوڕۆ دەبتە وەزیرو هاتیە سووندی بخوا..!! زەلامەکان هەموو مشەوەش بوون و بە پەلە قۆرو باسکیان کردمەوەو گۆتیان : ببورە جەنابی وەزیر نەمانناسی، قسوریمان عەفووکە..!! لەدری خۆم گۆتم : تەواو تەلەفۆنەکە ڕاستەو دەبمە وەزیر، لۆیێ خۆم پڕی هەوا کردو هەستامەوە بڕەک خۆم باداو گۆتم : گێمەدەنێ، ئەنگۆش هەقی خۆتانەو بە ئەرکی سەر شانی خۆتان هەستاینە..! ئەفسەرەکە گۆتی : گەورەم دەبایە زوو پێمان برێی جەنابت دەبیە وەزیرو لۆ سووند خواردنێ هاتی ! گۆتم : لۆ ئەتوو لەبەر ئشەئششێ مەجالت دا دووقسان بکەم..!
بەرپرسی ئاسایش بەلوتفەوە هاتە پێش و گۆتی : گەورەم بابڕۆین و تاخیر نەبین، جەنابی سەرۆک وەزیران وا چاوەڕێ دەکا، بەس ئەتوو مای بگەیە ناو هۆری پەرلەمانی ! گۆتم : ئەتوو جارێ هەندە ئاوم بدێ بابخۆمەوە، قوڕگم هیشک بووە مارەوەدان..!! فەوری و سەوری بتلە ئاوەکیان دامێ و بەسە دەوم وەکردو سافم کرد..! پاشان وەگەریان کەتم لۆ هۆری پەرلەمانی، گەیشتینە پێش دەرکەی و بەرپرسەکە بە جیهازەکەی دەستی قسەی کرد و دیاربوو پێیان گۆ بابێتە ژۆرێ..! فەرمووی لێکردم و چوومە ژۆرێ، وەکی تەماشام کرد ناو هۆری جممەی دێ، هەرچی مەسولی یەکەمی حزبەکانە هەمووی لەژۆرێنەو لەڕێزی پێشەوە دانیشتینە، هەرایەکە نەبتەوە، کۆمەرە کیژەکی جوانکیلە لە دەرکەیڕا بەپیرم وەهاتن، ئێکیان سنیەکی زەرد زەردی لەسە دەستی بوو، تەماشام کرد پڕی سەری شیرنیە، لەپێشی ڕاگرتم، ئەمنیش ئێکەکم هەرگرت و ویستم یەکسەر بیکەمەوەو بیهاوێمە دەوم، ئێک لەتەنیشتم شانەکی لێدام و گۆتی : عەیبە جارێ مەیخۆ، ئەتەکێتت هەبی و باوێ گیرفانت..! ئەمنیش قاقەزەکەم پێچاوەو هاویشتمە گیرفانم..!!
کیژەکی ناسک و خڕوپڕ لەوسەری ڕاهات و بەنازو لەنجەوە ئیشارەتی دامێ کەوا بەدووی کەوم، ئەمنیش ئۆتۆماتیکییەن کەتمە دووی، ئەمنی برد لۆ ئەو ڕێزەی کە سەرۆک وەزیران و وەزیرەکان لێی دانیشتبوون، کورسیەکی بەتار هەبوو، کیژەکە بەمنیگۆ فەرموو دانیشە، بەکزی سەلامم کردو دانیشتم، جەماعەت سەریان برند کردو هینایانە خوارێ و هەر بە ئیشارەت جوابیان دامەوە..! سەرۆک وەزیران سەری خوار کردەوەو گۆتی : ئەوە ئەتوو لەکێی، یەک سعاتە لەسەتوو ڕاوەستاینە، زەردەخەنەکم لۆ کردو گۆتم : داوای لێبوردن دەکەم گەورەم..! دەبی هەر ئەوەی برێم، ئێ خۆ ناکرێ برێم : جەماعەتی توو لوولیان دام و خوا ڕەحمی کرد شاپتڕێنیان نەکردم..!!!
مایتی....[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,273 ganger
Skriv din kommentar om dette elementet!