نەوزاد پیرموسا
پەیڤا کوردستان ژ ئالیێ پێکهاتنێڤە دبیتە دو بەش:
کورد (Kurd) + ستان (Sitan) ئانکو جهێ کوردان، ئاخا کوردان. سەبارەت ب تێگەهێ پەیڤا کورد...Kurd. وەک دهێتە زانین پەیڤا کورد ...Kurd د بنیاتدا وەک زارەڤە د ئێکەمین سەرچاوەیێن سۆمەریدا بۆ وارگەهێ کوردستانێ دهێت و کوکا کوردا سەر ب نەژادێ سومەریانن، هەر ب ڤى شێوەى پەیڤا کورد د زمانێ سومەرى دا ب ڕامانا (چیاى) و د گەل پاشگرەکى (تى - TÎ ) هاتیه،‌ واتە (کورتى – Kurtî). کورد..........Kurd واتە تێگەهەکە کوردستان و نەژادێ وێ کەڤنترە ژ سومەریان. تى ..............TÎ واتە ژێبوون (الانتما) و گەلێ چیاى. ئەڤ پاشگرە (تى - TÎ) ب واتەیا ژێبوون (الانتما) هاتیە. (واتە گەلێ چیاى و ئەڤ پەیڤە ل(3000 پ.ز.) هاتیە دارشتن.

ل دویڤ ئەڤێ دابەشکرنێ: کورد بابکالێن سومەریانن، وەک میللەت ژ نڤشێ ئارى نە و ژ مالباتێن هندو ئێرانى نە. د ڤى بیاڤیدا، کورد کوکا تەڤایا گەلێن ئاریانە؛ چونکو کورد کەڤنترین گەلێ ئارییە و خوەجهە و خوەرستى یە ل سەر ئاخا کوردستانێ و گەلێن دیێن ئارى ژ کوردستانێ و دەوروبەرێن وێ ڤە پەشینە هەموو جیهانێ، دیسان کورد ژ سومەریان ژى کەڤنترن.
ناڤێ کورد ( Kurd) پەیڤەکا کەڤن و دیروکییە، ئەڤ پەیڤە ناڤێ گەلەکى یە بەرى (3000پ.ز) ل میزوپوتامیا وەک مللەتەک خودان شارستانى و کەسایەتى و دەستهەلاتەک مەزن ژیایە. جهێ سەرنج دانێ یە ئێکەمین جار پەیڤا کورد – Kurd بەرى 2000 دو هزار ساڵان پێش زاینێ ل پیادەیێن ئارامگەهێن سومەرییان، ناڤێ کوردان ب - DA – KA) KAR هاتییە دیتن.
ل گۆر دیروکناسان کورد (ئارى –Arî) نە و نەڤیێن ماد Mad ن. گوتنا ئارى...Arî ژ زمانێ سانسکرێتییە، ڕامانا وێ ب نەژاد، مێرخاس (ئەسلزادە) یان خویشک یێن باش و ڕند دهێت. ناڤێ زمانێ ئاریان (ئاریاڤاشا) بوو، ناڤێ وەڵاتێ وان ئاریاڤارتا (وەلاتێ ئاریا/وارێ ئاریا) بوو، وەڵاتێ وان باشور و رۆژهەلاتى دەریا قەزوینێ بۆیە..
ئیتنێ (عرق) تاکە کەسێ کوردى ژ ئالیێ زانستێ ئەنسروپۆلۆژى – anthropology ڤە، رەگەزێ تاکە کەسێ مروڤێ کورد رەگەزەک ژ توخم و نفشێ ئارییە ژ کومنفشێ قەفقاسى یە. (کومنفشێ مروڤێ کوردى بەژن بلند و لەش سڤک، دفن پان و درێژ، ستو زراڤ، سینگ فڕه، پرچ رەش، چاڤێن رەش و تیژ و ئاگرین، سەروچاڤ ئەسمەر، لەش ب هێز. ب ریه و سمبێل و درێژ ناکەن، ئەڤە بۆ رەگەزى نێری، بەلێ بۆ رەگەزێ مێ ینە ب جوانى و نازیکى و خلمەت باشى دهێتە ساڵوخدان.