عەدێ و مەدێ 14
گۆلک قیت بۆوە و دەرپەڕی، نەمزانی نە غاردەم گۆلکی بگرمەوە، نە بچمە سەر مەدێی و بزانم مایە یان نا ! گۆتم : ئینسان لە حەیوانی مهیمترە، با بزانم مەدێ مایە یان نا، غارمدا سەری، دیتم هەردوو چاوی خێل ببوون و زمانیشی بەلای چەپی دەویدا هاتبووە دەرێ، هەر زەندەقم لێی چوو ! گۆتم : خوایە هاوار ئەوە مەدێ لۆ ئەوهای لێهاتیە، دۆلکە ئاوەک لەوێبوو، گرتم و بە چڕوچاوی مەدێم داکرد، مەدێ دوو جار خۆی برند کرد و بە عاردی داداوە، گۆتم : مەدێ، کورە مەدێ، مەدێ ! هەر ئەوەندە بوو گێم لە لرخە لرخەکی بوو، غارمدا لە دەرکەی ناندینی ماری مەدێم دا و هاوارم کرد : وەرنە دەرێ مەدێ مردار بوو ! تێکڕا سێ چارەک غاریان دا دەرێ و گۆتیان وەی کورەبین بابۆ وەی کۆرەبین بابۆ ! ئەسمەری ژنی هاتە دەرێ و بە چەپەرۆکان وەرگەڕا خۆ، گۆتیە من : ئەوە چت لەو پیاوەی کرد هەی بێ زەمیر ؟ گۆتم : بابە وەڵلا گۆلک لەقەی لێدا، ئەتوو لەو گۆڕەی لۆ بە ملە من دادەینی ! ئاوڕی داوە و گۆتی : ئەدی کا گۆلک ؟ گۆتم : وەڵلا قیت بۆوە و دەرپەڕیە دەرێ ! گۆتی : ئەتوو بڕۆ دوو سۆراغی گۆلکی، جارێ ئەو مهیمە، سەرمان ڕۆیی، با ماریشمان نەڕوا، زەرەر لە نیوەی بگەڕێتەوە قازانجە !
غارمدا دەرێ بزانم گۆلک چی بە سەر هاتیە، هەر چەندی چاوم گێڕا هیچم نەدیت، یەک دوو مارە جیرانم کرد لۆ سۆراغی گۆلکی، لە باتی وەرامم بدەنەوە قەرداریشیان کردمەوە و گۆتیان دەی داخوە بە دزیشمان دەرناینی ! ناچار بووم هاتمە دەرێ، دیتم عەدێ لەوسەری ڕا دێ و شفتیەکی لەبن هەنگریە ! هاوارم کرد : عەدێ فریا کەوە مەدێ مرد !
مایتی.[1]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 690 ganger
Skriv din kommentar om dette elementet!