عەدێ و مەدێ 19
عەدێ سەری برند کرد گۆتی : ئیعدامیشم کەن، جارەکیدی بە دوو گۆلکی داناچم، هیچ ئیش و کارم نیە، بەس لە سەر گۆلکی تێهەردانی بخۆم ! پۆلیسەک گۆتی : کاکە مادام ئەو گۆلکە ئینگۆ نیە، ئەمە دەبی بیبەینە مەرکەز شورتەیی حیجزی بکەین هەتا ساحێبی دەبی، پۆلیسەکەی دی دەستی بە سمێری داهینا و گۆتی : هەر زۆر زەرورە لە کنە خۆمان حیجز بکرێ ! ڕوو بوونە گوریسی گۆلکی بیبەن، گۆتم : کاکە ڕاوەستن ئەو گۆلکە ساحێبی هەیە، ئێکیان گۆتی : حوکمەت دەرێ ساحێبی نیە و تەواو، یەعنی ئەتوو لە حوکمەتی باشتر دەزانی ؟ گۆتم : دەوەرن بچینە ئەو کۆرانەی ئەو سەری بزانن ساحێبیتان پیشان دەدەم یان نا ؟ دیار بوو هەر دووکیان خۆیان دەگرخاند و دەیانوویست بیبەن، وەڵلا بڕەکم تووند کرد، عەدێش پشتی گرتم و گۆتی : قسەی ئەو زەلامەیە و ساعێبی هەیە ! ئێک لە پۆلیسەکان بە توڕەیی گۆتی : دە پێشمان کەوە دەی، بزانین چ سەگبابەک ساحێبی تی ! وەڵلا گوریسی گۆلکیمان ڕاکێشاو هاویشتمانە ناو پیکابی شورتەیی و وەگەریان کەتم.
چووینەوە ئەو کۆرانەی مانتۆڕەکەی لێکەتبوو، تەماشام کرد کابرا هەر لە دیار مانتۆڕیە و لە عاردی دانیشتیە و دەستەکی بە چاوی وەنایە، گەیشتینە کنی و ڕامان گرت، هاتینە خوارێ، کابرا وەکی چاوی بە گۆلکی کەت، ڕەنگەکی هاتەوە بەرێ، تەماشا لاچاویم کرد ببووە لەگە مستی عەدێی هەرووچکە ! پۆلیسەک دیار بوو داخی گۆلکی هە لە دری بوو، بە توڕەیی گۆتیە ئەبو مانتۆڕی : ناوت چیە کورە ؟ ئەویش گۆتی : بنیامین ! پۆلیسەکە گۆتی : چ چ ؟ ئەویش گۆتی بنیامین ! پۆلیسەکە گۆتی : دیارە ئەتوو خەرکی تەل ئەبیبی، ئەو ناوە چیە لێتە ؟ گۆتی : ناوەڵلا خەرکی خاتوناوەیمە، تەل ئەبیبی چ بابە، ئەوە وەختی خۆی خۆخێی داکم بە ڕەعمەتبی ئەو ناوەی لێینایمە چونکە بە ئەسل جوو بوو ببووە ئیسلام ! پۆلیسەکە گۆتی : ئا ئێ ئێ، ئەدی کووە نەچوویە ئیسرائیل ؟ کابرا گۆتی : خێرت دەگاتێ گۆلکەکم بدەوە و وازم لێبینە، تەماشا ئەو کابرایە چی لە لاچاوی کردیمە ! دەستیشی لۆ من درێژ کرد، گۆتم : ڕەحمەت لە خۆخێی داکت کا ئەمن لێمدای، ئەوی دی بوو، گۆتی : فەرقی نیە، سەش برای گورگیە ! گۆتم : خەتای منە گۆلکم لۆ هینایەوە، ئەگەر نا ئەو دوو پۆلیسە خواردبوویان ! پۆلیسەک گۆتی : چمان خوارد بوو، ئەوە ئەو بووختانانە چیە دەیکەی ؟ گۆتم : مەخسەدم حیجزتان کرد بوو، هەتا ساحێبی دەبوو، بنیامین گۆتی : هەونکە گۆلکەکەم دەدەنەوە یان نا ؟ پۆلیسەکە گۆتی : دەبی بەڵگەت هەبی کە ئەو گۆلکە ئی تووە ؟ بنیامین گۆتی : بەڵگەی کوو، قابیلە گۆلک کارتی نیشتمانی و سەنەوی و کارتی زانیاری هەبی ! گۆتم : بیتاقەی بایەعی و وەرەقەی ئاو و کارەباشت بگۆتبا.!
مایتی.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 614 ganger
Skriv din kommentar om dette elementet!