ناونیشان: گوڵە کێوی
نووسەر: #لەیلا بەرزنجی#[1]
گوڵە کێوی، دەبۆم بدوێ
تاوەک باران
بەپێدەشتی نێو نیگاتا داببارێم
چونکە بەرامەی نیگات و.. تامی لێوت
مێشەنگ شیلەی لێدزیوە
گوڵە کێوی
ئای چ عیشقێکی بزێوی!
٭٭٭
گوڵە کێوی... داخم ناچێ
لەبەهاری ژیانی منا درەنگ کەوتی
چوون منی خەم چەشتووی تەمەن
بروسکەیەکم لەئاگر
لەزریان و لەکڕێوە
بۆ کام ئاقار بەڕێم بکەن
دەگەڕێمەوە سەرەتاو کۆتایی
زەمەنی ئێوە
حەزی ئێمەسنووردارە
ئاڕاستەکەی دیار یکراوە
مەودای مابەینی ئەوینمان
نەک شارێکە
کیشوەرێکە
لە داستانی عیشقی ئێمە
ڕووبار تێکەڵە بەدەریا و
هەنگ بەگوڵ و
ئاگربە ئازاری من و
دووریەکەی تۆ
تۆهاتیت و باران ئاسا
نم نم
داتکرد بە باڵاما
خەیاڵەکانمت شۆریەوەو..
هەناسەکانمت بەبادا
بۆهاتیتە ناو وڵاتی دڵی شەیدام
گوڵە کێوی؟
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 841 ganger
Skriv din kommentar om dette elementet!