دەقی پەیامەکەی #نێچیرڤان بارزانی#:
جەژنا سەرسالا ئێزدييان چارشەمبوا سۆر ب گەرمى ل هەمى خوشک و برايێن ئێزیدى ل کوردستانێ و ل هەر دەرا جيهانێ بن، پيرۆز دکەم، هيڤيدارم جەژنەکا تەنا و ئارام دەرباس بکەن و هەرسال ب خێر و خۆشى ڤەگەڕيت.
د ڤێ جەژنێدا جارەکا دی هەمى خوشک و برايێن ئێزیدى پشتڕاست دکەين کو هندى رەڤاندييەک ئێزدى مابيت، هەولێن مە يێن ژبۆ رزگارکرنا وان و ديارکرنا چارەنڤيسا وندايان دێ بەردەوام بن، هەروەسا هەمى پشتەڤانيێ ل مافێن ئێزدييان، ئاڤەدانکرنا جهێن وان و مسۆگەرييا ئارامى و تەناهييا وان دکەين، ژبۆ ڤێ يەکێ ژى بەردەوام دگەل ئالى يێن عێراقى و نێڤدەولەتى کار دکەين.
جەژنا ئيسال ژى مخابن د دەمەکێدا تێت، کو هێشتا هژمارەکا مەزن یا خوشک و برايێن مە يێن ئێزیدى ژيانا خۆ ل کەمپان دەرباس دکەن. ئەم ب رێز و پێزانين ل خۆڕاگريا ئێزدييان دنێڕين و هيڤيدارين جەژن و هەلکەفتنێن بێن، د رەوشێن باشتردا ڤەگەڕن و هەمى ئێزدى ب ئارامى ڤەگەڕيابن سەر وار و جهێن خۆ يێن تەنا و ئاڤەدانکرى.
هەر ب ڤێ هەلکەفتێ، جارەکا دى خوشک و برايێن خۆ يێن ئێزیدى و هەمى ئۆل و نەتەوە و پێکهاتەیێن گەلێ کوردستانێ پشتڕاست دکەين کو وەک هەرتم کوردستان دێ وارێ لێبوورين، هەڤقەبوولکرن و پێکڤەژيانەکا ئاشتيانە مينيت و ئەم هەمى پێکڤە دێ پارێزەرێن ڤێ کولتوورێ و مافێن دەستوورى يێن گەلێ کوردستانێ بين.
سەرسالا هەميان پيرۆز بيت و هەر شاد بن.
نێچيرڤان بارزانى
سەرۆکێ هەرێما کوردستانێ
2022/4/19[1]
⚠️ تێبینی: ئەم بابەتە بە رێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Dette produktet har blitt skrevet på et språk (کرمانجی - کوردیی سەروو), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 1,364 ganger
Skriv din kommentar om dette elementet!