بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە.
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$بادی عەترامێز$
بادی عەترامێز، بادی عەترامێز
بادی گوڵشەن گەرد، بادی عەترامێز
پەیک بەری عاشق، نیمە شەوان خېز
بۆی نافەی تەتار، نە ڕوی سارا ڕېز
چوون عەتار بە چین زوڵفی یارەوە
ئاما بە بۊی عەتر عەنبەر بارەوە
پەرسام ئەی عەتار، یە چېش بارتەن؟!
وات: «بۆی عەتری زوڵف گێسووی یارتەن»!
بە تەعجیل وېیەرد نەکەرد مودارا
شی نە ڕووی دەشت و کەش و کۆو سارا
ساکە بۊی عەترت بە گوڵان یاوان
گوڵان خېزیان پەی عەزمی داوا
«سونبوڵ» چەنی تیپ «وەنەوشە»ی باخان
«چنوور» نەپای هەرد «شۊبۊ»ی سەرشاخان
قیبلەم تاسەحەر گوفتوگۊشان بێ
داوای هامشانی زوڵفی تۆشان بێ
ئاخر داواشان «تان و پۊش» نەبۍ
هیچکام بۊی عەتری زوڵفی تۆش نەبۍ
«سونبوڵ» ماتەم بی بەزاری و خەمناک
«وەنەوشە» جە شەرم، سوجدەش بەردەن خاک
«چنوور» پەشێو بی، دڵ بە دەردەوە
«شۊبۊ» شەیدا بی، شەو وە هەردەوە
فیدای زوڵفت بام ڕەندی جەمین لاڵ
زوڵفی تۊ بازاڕ گوڵان کەرد بەتاڵ
نەک سەودای زوڵفت خاسەی گوڵانەن
سەرمایەی داوای دەردی دڵانەن
ئانە کام دڵەن وېش بە دڵ زانۆ
جە سەودای زوڵفت پەشێو مەمانۆ؟
ئەر شێخ، ئەر مەڵڵا، ئەر دەروېشەن
سەودای زوڵفی تۆ، گرد عالەم پېشەن
سەیدی چوون جە داخ تای زوڵفت وێڵەن
سادارو سەرسام بېیابان گېڵەن
ساکە دېوانەن ئێدەن تەگبیرش
تای زوڵفی سیات بۊ بە زەنجیرش
[1]