دونیا وەک ماستی مەیوو وایە
مەییوو، مەیین: خەستبوونەوە و توندبوونەوە یان چڕبوونەوەی شتی شلە بە هۆی هەوێن یان سەرماوسۆڵەوە، شیر کە دەکوڵێنرێت کەف و کوڵی زۆرە و هەڵدەچێت تا لەسەر ئاگرەکە بێت کەفەکەی دەڕژێت بەسەر لایەکانی ئه و مەنجەڵەی تێیدایە، بەڵام کەشیرەکە دابگرین لەسەر ئاگرەکە، هێدی هێدی دەست دەکات بەساردبوونەوە و تا ئه و حاڵەتەی کە هەوێن دەکرێت، دوای هەوێن کردنی وردە وردە ماستەکە دەست دەکات بە مەیین و خەستبوونەوە، سەری شیرەکەش توێژێکی تەنک دروست دەکات و دەبێتە سەرتوو، ئه و حاڵەتە بووە بە ئیدیۆم و بۆ ئاسایش و ئارامی و بەرقەراربوونی سەقامگیری و کپی و بێ دەنگی و خامۆشی دەوترێت: دونیا وەک ماستی مەییوو وایه، لەلایەکیتریشەوە هێمای هێمنی و ئەدەب و ژیرییە، ئەگەر بە ژنان بوترێت دەڵێی: ماستی مەییووە، واتە هێندە هێمن و لەسەرەخۆ و ژیر و بەئاکارە.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 160 ganger
Skriv din kommentar om dette elementet!