ناونیشانی پەرتووک: گۆشتەکەی بۆ ئێوە و ئێسقانەکانی بۆ من
ناوی نووسەر: #شێرزاد حەسەن#[1]
لە پەرتووکەکەوە:
ئەو شەڕانگێزی و ڕۆحە سادیستە و سزاخوازە لە هەر یەکێک لە ئێمەدا، کە هەیە، بەشێکی گەورەی دەگەڕێتەوە بۆ نەبوونی هیچ پەیوەندییەکی سۆزداری و خۆشەویستی لەنێوان ژن و پیاوەکانی ئەم وڵاتە. ئەم دوو توخمە گومانیان لە یەکدی هەیە و هەم لە یەکدی دەترسن، جیاکردنەوەی کچ و کوڕەکان دوای باڵقبوون و لەناو کۆڵان و گەڕەکەکاندا کە پێشتر بە یەکەوە گەمە و یاریان دەکرد، کاتێک منداڵتر بوون، یان جیاکردنەوەی کچ و کوڕە قوتابییەکان لە دوای قۆناغی سەرەتاییەوە بۆخۆی گەورەترین ستەمە، چونکە لە ئاکامدا دوو بوونەوەری کێوی و شەرمن و ترسنۆک و عەقڵمردوو و ڕۆحماندوو درووست دەکات، کە تاوەکوو پیر دەبێت، شێت و شەیدا تەنیا لە خەیاڵدا بەدوای ئاسوودەگیدا دەگەڕێت، لە ئاکامدا لێرە و هەنووکە… بگرە لە کۆنی کۆنەوە نە مێ نێر دەناسێت و نە نێر مێ دەناسێت… تا کۆتایی ژیان بەدگومان و ڕقاوی دەردەچن، هەر هەمووان دەمرن، بێ ئەوەی تامی خۆشەویستی بکەن، هەر ئەوەشە وا دەکات زیندەگییەکی بێ تام و بۆن و ڕەنگ بەڕێ بخەین. (ناوەندی غەزەلنووس)
Merk: PDF-fil for denne boken ikke er tilgjengelig , kan du hjelpe Kurdipedia å få denne filen! Send bok Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,177 ganger
Skriv din kommentar om dette elementet!