ناونیشانی پەڕتووک: گەردوون؛ کات و پەیدابوونی ژیان
ناوی نووسەر: #گۆران ئیبراهیم#
دەزگای پەخش: ناوەندی غەزەلنووس
ئەم کتێبە بەشێکی بچووکی ئەو لێکۆڵینەوانەیە کە تا ئێستا توانیومانە بەدەستی بێنین سەبارەت بە شتە درەوشاوەکانی ئاسمان. بە هەمان شێوەی باپیرانمان، دەبینین لە ئەنجامی لێکۆڵینەوەکان، زۆر پرسیارمان لەلا دروست دەبێت و هەندێک لەو پرسیارانە، دەمانبەنەوە سەر ئەو خاڵەی کە ژیان بۆ پەیدا بووە. هەر بەو هۆکارەش، ئەم کتێبە بەبێ مەبەست ڕووبەڕووی ئەو پرسیارانە دەبێتەوە. پێش هەموو شتێک، ئەم کتێبە لە سەرەتادا بە شتە درەوشاوەکانی ئاسمانەوە خەریک دەبێت، پاشان بەرەو شیکردنەوەی گشتیی هەموو شتە درەوشاوەکان دەچێت کە بە گەردوون دەیناسین، بەڵام لە ئەنجامی لێکۆڵینەوەکان، ڕووبەڕووی چەند پرسیارێکی بنەڕەتی دەبینەوە. ئەو پرسیارانەش کێشمان دەکات بۆ زیاتر وردبوونەوە لە چەند دیاردەیەکی سروشتیی وەک کات و ژیان. [1]