عەتر و دەهۆڵ بە دزییەوە لێ نادرێن
لە ئیدیۆمی تردا کورد وتویەتی: دینی محەمەد بەئاشکرا خۆشە یان چێڵ بەدزی کەڵ دەخوات بە ئاشکرا دەزێت، هەر مەبەستی ئەوەیە کە شاردنەوەی هەندێ شت زۆر ئەستەمە و هیچی لەگەڵدا ناکرێت، نە دینی محەمەد بەنهێنی خۆشە، نە چێڵیش دەتوانێت کەڵ خواردنی تاسەر بەنهێنی بهێڵێتەوە، ئەمانە لە لایەک و(عەتر و دەهۆڵ)یش لە لایەکیتر، چونکە بۆن و بەرامەی عەتر خۆی دەمار بەدەمار دەڕوات و هەستەوەری بۆن بۆنی دەکات، وتراویشە: گوڵ ئەوەیە خۆی بۆنی بێت نەک عەتار هاواری بۆ بکات واتە: گوڵی بۆنداری باش ئەوەیە خۆی بۆنەکەی بڕوات، دەهۆڵیش مەگەر دۆڵ کوت به دار نەیژەنێت و نەیکوتێت، ئەگەرنا دەنگی بۆ دوور دەڕوات و ناشاردرێتەوە و کۆنتڕۆڵ ناکرێت، ئه و دوو حاڵەتە وەرگیراون و کراون بە بنەمای ئه و ئیدیۆمە و بۆ ڕێنوێنی و ئامۆژگاری کورد بەکاریهێناوە بۆ ئه و شتانەی کە ناتوانرێت بەنهێنی ئەنجام بدرێن و پێویستە بە ئاشکرا جێ بەجێ بکرێن وتویەتی: عەتر و دەهۆڵ بە دزییەوە لێ نادرێن.[1]
Dette produktet har blitt skrevet på et språk (کوردیی ناوەڕاست - Central Kurdish), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 919 ganger
Skriv din kommentar om dette elementet!