چەند دیمەنێن شکەفتا گوندک کو دکەڤیتە باکورێ ڕۆژئاڤایێ گوندێ گوندکی ب دووریا 20 کیلۆمەتران ل ڕۆژئاڤایێ باژێرێ #ئاکرێ#، دڤێ شکەفتێ دا سێ نەخش هاتینە کێشان، د نەخشەیا ئێکێ دا زەلامەک ژ پیاڤە ڕاوەستیایە، تەنورەیەک لبەرە کو هەیا سەر چوکان درێژە، لێ بەشێ سەری ڕیسە، زەلام د لڤینێ دایە، ڕمەک ل پشتا بزنەکێ دایە، هندە لسەر دەڤێ خۆ دکەڤیت.
د نەخشەیا دووێ دا کو ڕاستەوخۆ دکەڤیتە دبن نەخشەیا ئێکێ دا، ژ ئالیێ ڕاستێ ڤە دوو زەلامان سەرێ ئاژەلەکێ گرتیە، دبیت ئەوان دڤێت بکۆژن، ل پشت وان کەسەکێ دی ڕاوەستیایە و ڕوویێ وی ل پێشیێ یە و هەردوو دەستێن خۆ ژی بلند کرینە.
ل پشت وان ژی، ژنەک و زەلامەک لسەر کورسیێ ل هەمبەر ئێک و دوو ڕاوەسیانە و هەر ئێک ژ وان پشتا زارۆکەکی بچیک گرتیە، کو ل سەر مێزەکێ نە و دەستێ خۆ لسەر ملێ ئێک و دوو داناینە، ل پشت وان ژی ژن و زەلامەک بەرەڤ وان ڤە دهێن و زەلامی زارۆکەکێ بچیک هەلگرتیە، کۆما ڤان دوو نەخۆشاندنان بەحسا نێچیرکرنا ئاژەل و دەربرینا خۆشی و شادیێ دکەن ب وێ هەلکەفتێ.
د نەخشەیا سێ دا، کەسەک لسەر کورسی ڕوونشتیە کو کولاڤەکێ ب شاخ لسەرێ وی یە، ب دەستێ چەپێ خارنێ ددەتە بزنەکێ کو هەردوو پێن خۆ یێن پێشیێ ئێخستنە سەر چوکێن وی زەلامی، ل پشت وان ئاژەلەکێ دڕندە دەردکەڤیت، ل پێشیا وان ژی ئاژەلەکێ دی مژیلی شیردانێ یە ب تێشکا خۆ و ئافرەتەک چاڤدێریێ دکەت، ب ئاوایەکێ گشتی ئەڤ بەشە بەحسێ وێیەکێ دکەت، چەوا ئاژەلێن کیڤی ژ دڕندەیان ب پارێزن، ل گۆرە نەخۆشەکێشانێ مێژوویا وێ ڤەدگەریت بۆ سەردەمێ سومەریان 2900 – 2371 بەریا زاینی.
رێڤەبەریا گشتیا شوێنەوار و کەلەپووری….[1]
Dette produktet har blitt skrevet på et språk (کرمانجی - کوردیی سەروو), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 414 ganger
Skriv din kommentar om dette elementet!