دەشتی #کەندێناوە#
بریتيه لە دەشتێکی بە پیت لەشێوەی لاکێشەدایە، درێژییەکەی (80) کیلۆمەتر و پانییەکەی (35) کیلۆمەترە، بەرزیەکەی نزیکەی (300) مەتر لەڕووی ئاستی دەریاوە دەبێت، لەباکور بەرزاییەکانی (زوورگەزراو)ە و له باشوور چیای (#قەرەچوغ#)ە و له ڕۆژهەڵات (زێی گچکە- زێی بچووک)ه و له ڕۆژئاوا (زێی گەورە) یە، کەندێکیش بەناوەندی دەشتەکە دادەڕوات بۆيه پێی دەڵێن (دەشتی کەندێناوە)، ئاوەڕێژ بارانی ئەو دەشتە لەرۆژئاوای جادەی (#مەخموور#- #دیبەگە#) دەرژێتە زێی گەورە ئاوەڕێژی بارانی ڕۆژهەڵاتی جادەی (ديبەگە-مەخموور) دەڕژێته زێی گچکه، شارەدێی (دیبەگە) و (#سەرگەڕان#) دەکەوێته ناو ئەو دەشتە، ئەم حەوزە به نيشتەنی لم و دەنکۆلەی گەورەی لم و قورو چگل پڕبۆتەوە، ئەم دەشتەش بەناوبانگە به بوونی ئاویی ژێر زەوی که له بەرزاییەکانەوە بۆی دێ له شێوی بیر و کانی و سەرچاوە، لە ڕۆخەکانی دەردەکەون، دەوڵەمەندیشه به نەوت زیاتر له (300) بیره نەوتی تێدایه.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 463 ganger