بەناوی خودای بەخشندە و میهرەبان
بەبۆنەی تێپەڕبوونی پەنجا و دوو ساڵ بەسەر دامەزراندنی #یەکێتی زانایانی ئاینی ئیسلامی کوردستان#ەوە پیرۆزبایی گەرم لە سەرۆک و ئەندامانی مەکتەبی تەنفیزی و ئەنجوومەنی ناوەندی یەکێتیی زانایان و سەرجەم مامۆستایانی ئایینی پیرۆزی ئیسلام لە کوردستان دەکەم.
دامەزراندنی یەکێتیی زانایانی ئایینی ئیسلامیی کوردستان بە ڕێنوێنی و ڕاسپاردەی جەنابی بارزانیی نەمر بڕیارێکی گرنگ و کاریگەر بوو بۆ بەهێزکردنی ڕۆڵی مامۆستایانی ئایینی لە شۆڕش و خەباتی گەلەکەمان و هەروەها بڵاوکردنەوەی دینداری و خوداناسی و قووڵترکردنەوەی فەرهەنگی پێکەوەژیان و ڕووبەڕووبوونەوەی هزری توندڕۆیی. لەگەڵ ئەوەشدا ڕۆڵ و قوربانیدانی مامۆستایان و گەورەزانایانی کوردی ئایینی ئیسلام لە برەودانی میانڕۆیی و هزری نەتەوەیی و نیشتیمانپەروەری و ڕەتکردنەوەی ژێردەستی لە مێژووی میللەتەکەماندا زۆر بەرچاو بووە و، بە دڵنیاییشەوە ئەو ڕۆڵە لە قۆناغی ئێستا و داهاتووشدا گرنگ و کاریگەر دەمێنێتەوە.
لەو یادەدا هیوای سەرکەوتن بۆ یەکێتی زانایانی ئایینی ئیسلامیی کوردستان و سەرجەم مامۆستا بەڕێزەکان دەخوازم و سوپاسی ماندووبوون و ئەرکە پیرۆزەکەیان دەکەم.
خودای گەورە پشت و پەنای هەموولایەکمان بێت. [1]
#مەسعود بارزانی#
21ی ئەیلوولی 2022
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 373 ganger
Skriv din kommentar om dette elementet!