#بافڵ تاڵەبانی#، سەرۆکی #یەکێتیی نیشتمانیی کوردستان# لە دەباشان لەگەڵ سەرۆکی ئاژانسی پاراستن و زانیاری، بەڕێوەبەری بەڕێوەبەرایەتی ئاساییشی پارێزگای #سلێمانی#، بەڕێوەبەری گشتی دژەتیرۆر، جێگری فەرماندەی فەرماندەیی هێزەکانی کۆماندۆی کوردستان و لێپرسراوی هێزەکانی ئۆپراسیۆنی دەزگای ئاساییشی هەرێمی کوردستان کۆبووەوە.
لە کۆبوونەوەیەکدا کە #قوباد تاڵەبانی#، سەرپەرشتیاری مەکتەبی سکرتاریەتی سەرۆک مام #جەلال تاڵەبانی# ئامادەبوو، بافڵ جەلال تاڵەبانی ستایشی ڕۆڵ و ماندوبوونی هێزە ئەمنییەکانی کرد لە بەرانبەر هەوڵەکانیان بۆ پاراستنی هەرێمی کوردستان، ژیان و ئارامیی خەڵک و جێبەجێکردنی بڕیاری دادگا. داواشیکرد وەک هەمیشە ئامادەبن بۆ هەر ئەگەر و پێشهاتێک کە سەقامگیریی هەرێم تێکبدات و ژیانی خەڵکەکەی بخاتە مەترسییەوە.
لە درێژەی کۆبوونەوەکەدا سەرۆک بافڵ باسی سەروەری یاسا و جێبەجێکردنی بڕیارەکانی دادگای کرد و وتی، سەقامگیریی خاک و خەڵکەکەمان لەسەروو هەمووشتێکەوەیە و ڕێگە بە هیچ کەسێک نادەین یاسا شکێنی بکات، داواتان لێدەکەم بە هەموو شێوەیەک ڕووبەڕووی ئەوانە ببنەوە کە ئارامی و ئاساییشی خەڵک تێکدەدەن و سنوورەکانی یاسا دەبەزێنن. [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 427 ganger
Skriv din kommentar om dette elementet!