#جەزا سەید مەجید#، ئەندامی سەرکردایەتی #یەکێتیی نیشتمانیی کوردستان#، لەمیانی بەشداریکردنی لە گەشتی هەواڵەکانی گەلی کوردستان تیشکی خستەسەر چەند پرسێک. لەبارەی وتەی چەند سەرکردەیەکی پارتی بۆ پڕۆژەی شەفافییەت، ئەو ئەندامەی سەرکردایەتی یەکێتی ڕایگەیاند، پارتی چاوی بە سەرکەوتنی پڕۆژەی شەفافیەت هەڵنایە بۆیە دژایەتی دەکات. دەشڵێت، هاووڵاتییانی #هەولێر# و #دهۆک#یش مافی خۆیانە کە بزانن داهاتی پارێزگاکەیان چەندە و پێویستە پارتی داهاتی ئەو دوو پارێزگایە ئاشکرا بکات. هیوادارم بۆچوونەکانی ئەو چەند سەرکردەیەی پارتی لەبارەی پڕۆژەی شەفافیەت لە داهات، ئازادیی دەربڕین و هێزە ئەمنییەکانی #سلێمانی# بۆچوونی پارتی نەبێت، چونکە زۆر ناشازن جەزا سەید مەجید وای وت. ئەو ئەندامەی سەرکردایەتیی جەخت لەوەش دەکاتەوە، کە هەرکاتێک یەکێتی لە هەرشوێنێک دەسەڵاتی هەبووبێت ئازادی تەواو هەبووە و زۆرجاریش باجەکەیان وەکوو حزب داوە. ئەوەشی خستەڕوو، شانازی بەوەوە دەکەن، کە یەکەمین کەناڵی ئازاد و ڕۆژنامەی بێلایەن لە سنوورەکەی ئەوان بووە. پێشیوایە، پارتی دەیانەوێت بە عەقڵیەتێکی مافیاگەریی دەسەڵات بەڕێوەببەن و هەموو شتێک لەژێر دەسەڵاتی خۆیان بێت کەئەوەش مۆدێلێکی زۆر کۆنی بەڕێوەبردنە. [1]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 505 ganger
Skriv din kommentar om dette elementet!