بەپێی کارنامەی حکومەتەکەی محەمەد شەیاع سوودانی، دەبێت لە ماوەی شەش مانگی یەکەمی تەمەنی کابینەکەی دەبێت یاسای نەوت و غازی ئێراق تێپەڕێندرێت و بەو هۆیەوە کێشەکانی نێوان هەرێم #بەغدا# لە بارەی هەناردەی نەوت کۆتایی پێبێت.
ڕێککەوتنێکی نێوان #پارتی دیموکراتی کوردستان# و چوارهەماهەنگی بۆ ڕەشنووسی یاسای نەوت و غاز هەیە کە بەپێی ڕێککەوتنەکە ڕەچاوی مافی هەرێم دەکرێت لەبارەی هەناردەی نەوت.
بەپێی ڕێککەوتنە نهێنییەکەی پارتی و چوارچێوەی هەماهەنگی، پێشنیاری درووستکردنی سێ کۆمپانیای حکومی کراوە بۆ هەرێم و ئەو سێ کۆمپانیایە دەبەسترێنەوە بە وەزارەتی نەوتی حکومەتی فیدڕاڵەوە، بەڵام ئەرکی بەڕێوەبردن و درووستکردنیان دەدرێتە هەرێم.
ئەرکی یەکێک لەو سێ کۆمپانیایە تایبەت دەبێت بە هەناردەی نەوت و یەکێکیانیش تایبەت دەبێت بە غاز و کۆمپانیای سێیەمیش تایبەت دەبێت بە بەرهەمە سوتەمەنییەکانی وەک بەنزین و نەوتی سپی و گازوایل.
کێشەی سەرەکی بەردەم ڕێککەوتنە نهێنییەکەی نێوان پارتی و چوارچێوەی هەمانگی، بڕیارەکانی دادگای فیدڕاڵییە کە لە شوباتی ساڵی ڕابردوو بڕیاری هەڵوەشاندنەوەی گرێبەستە نەوتییەکانی هەرێمی دەرکرد و هەناردەی نەوتی هەرێمی بە نایاسایی لە قەڵەمدا. [1]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 410 ganger
Skriv din kommentar om dette elementet!