لە ماوەی ڕابردوودا بەهۆی ناکۆکییە سیاسییەکانەوە هەرێمی کوردستان بە دۆخێکی سیاسی و ئابووریی ئاڵۆزدا تێپەڕی و کاریگەرییەکی نەرێنی لەسەر ژیان و گوزەرانی خەڵکە خۆشەویستەکەمان بەجێهێشت. ئەمەش خواستی #یەکێتیی نیشتمانیی کوردستان# نەبووە و هەرگیز ئەو خەڵکە تێکۆشەر و خۆڕاگرەمان بە شایستەی نائومێدبوون لە دۆخەکە و درووستکردنی دوودڵی لەناویاندا نەزانیووە.
ئێمە لەپێناو ژیانی خەڵک و پاراستنی هەرێمەکەمان دەمانەوێت هەنگاوی دیبلۆماسی و بوونیادنەرانە بنێین و سیاسەت ئامرازێک بێت بۆ خزمەتکردنی خەڵک نەوەک ترازان و دوورکەوتنەوە. ئاشکراشە بژاردەی سەرەکی ئێمە هەمیشە تەبایی و یەکڕیزی بووە و بە هەموو شێوەیەک دژی ناکۆکی و دووبەرەکی وەستاوینەتەوە. یەکێتی دەیەوێت لەپێناو گوزەرانی خەڵک و دەستەبەرکردنی ژیانێکی شایستە، دۆخەکە بەرەو ئارامی و ئاشتەوایی ببات. سیاسەت بۆ ئێمە بریتی بووە لە بەهێزیی کورد و سەربەرزی خەڵکەکەی، لەم ڕێڕەوە مێژووییە لانادەین و درێژەی پێدەدەین. دەرگامان بۆ هەموو هێز و لایەنێک کراوەیە کە دەیەوێت بە ڕۆحێکی کوردانە و دوور لە بەرژەوەندی تەسکی حزبایەتی کار بۆ چارەسەرکردنی بنچینەیی کێشەکان بکات و خزمەتی هاووڵاتییان بکات بەبێ جیاوازی.
دەبێت هەموومان ئەو ڕاستییە بزانین کوردستان ئەو کاتە بەهێزترە کە متمانە لەنێوان هێزە سیاسییەکاندا هەبێت و پێکەوە لەپێناو کوردستان و خەڵکەکەی خەبات بکەین. پێویستە تێبگەین سیاسەت بە عینادی و ناوزڕاندن ناکرێت و بەرپرسیارێتی گەورەمان بەرانبەر خاک و خەڵکەکەمان لەسەر شانە. دۆخی ئەمڕۆی هەرێم نەخوازراوە و سیاسەت بەم شێوەیە خزمەت بە هیچ کەسێک ناکات. خەڵک، هێزە سیاسییەکان و کەسایەتییە سیاسی، ئایینی، کۆمەڵایەتی و ڕۆشنبیرییەکانیش داوای چارەسەرکردنی کێشەکان و زاڵبوون بەسەر بەربەستەکانمان لێدەکەن. درووستکردنی پشێووی و هەڵای میدیایی هەرگیز هۆکارێک نەبووە بۆ دڵخۆشکردنی خەڵک، بەڵکوو ئامڕازێک بووە بۆ نائومێدکردنیان لە کۆی هێزە سیاسییەکان و پڕۆسەی حوکمڕانی لە وڵاتدا. [1]
#بافڵ تاڵەبانی#
سەرۆکی یەکێتیی نیشتمانیی کوردستان
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 546 ganger
Skriv din kommentar om dette elementet!